Kan Dawtnak

Kan Dawtnak

Na ka daw lo, na ti sawh i si ,Kan dawtnak hi

Hmathak sisehlaw, Manipure hmathak nak in a thak deuh lai

A ei cu chim hlah, na liah ahkhin na thin tiang a lin lai

Voksa sisehlaw, a thautuk nak ah na ei kho lai lo

Vom siseh law,  a hnik cuai 20 tlai mi si lai

Tlang hei si sehlaw, Everest tlang nak in a sang deuh lai

Rili hei sisehlaw, Pacific rili nak khin a ngan deuh hnga

Tiva hei si sehlaw, Nile tiva nak khin a ngan,sau deuh hnga

Rel thiam siseh law, na relthiamnak nih a phan hnga lo

Tlangval siseh law, na duhtuk lai i na ka kaltak diam hnga

Dawhnak khi sisehlaw, kum fachial miss universe a ngah peng lai

Phone si sehlaw, Diamond Rose iPhone 4 nak in a man faak deuh lai dakaw......

Hitluk kan dawt ko mi hi dakaw na ka daw lo na ti cu..

Tuak hmanh a mak awh..

A sunglawi khun mi December thla

December thla, a ni khatnak zing
Cerlian ninu, ceu virmar in 
A rungchuak mi, naa dawhtuk e
thla dang zing he, naa lo hrim lo
thla hawi sin ah, a ceu bik zing
khamhtu chuah thla, na si ca maw
na ceukhun hnga, vawlei ceunak
a chuah thla cu, naa dang hrim ko

Zirthli a hrang, zing ciciai in
thingram pangpar, an i dawh khun
khamhtu chuah thla ah,va phunkip nih 
an aw dawh in, khamhtu chuah thla
an rak lawmh cio, mi lung an hlau
December thla,nikhat zingah
vawlei misual, tlenhtu dingah
runrep ngei lo, Bethlehem khua i
na tlun thla cu, lawm in an dong 
sermi thil nih, van bawi fahniang 
na chuah thla cu, a sunglawi khun
    MISUAL CAAH

Semmawng hrinhniang, tleirawl hna le
leng le val nih, aw le zai he
lawm in dong hna, khamhtu chuah thla
maw December, thla vialte lak
thlasung bik thla, na rak si mu
mi vialte ca, luatnak hmuh thla
na rak si mu, vawlei misual
luatnak phortu, khamhtu chuah thla
na sunglawi khun, MISUAL CAAH

Ka Dawt Mangṭha

Ka lung ṭha lo, ka sia rem lo
kaa nuam bak lo, ka ruah rem lo
ka lung monmaw, ka mit a maw
ka lung aw ṭawn, ka me rem lo
ka ngaihchia pah, kaa ngaichih pah
ka theithiam ko, i hnek ṭha lo
kan hmai lei kong, ka ruah zawn ah
kan si kho lo, ti khi a fiang
kan rak dawt ko, kan rak tlaichan
kan rak ham ko, nain a tu cu
kan si kho lo, ti ka hmuh ah
ka bei a dong, ka lung a dong
kan si kho lo, kan ṭian ṭha ko
kan tuanbia dih, kan nehnang lo
ka philh cang ko, kan philh ve lai
ka ngai thiam ko, kan ti lai lo
kan dawt mangṭha........

Ngahring Dawi

Ngahring kan dawi, tilung kan dum

kan tlaih ngapum, lungkep ngaikuang

kan dap soksol, le buh cak kheuh

kan tlaih chom in, uibawm chung ah

kan sanh hna i, chuncaw meh ah

hnarcheu kan chuan, i kan i hrawm

biasawng tlorh in, biaphawng kan deng

tiva thluangthluan, nih he kheh he 

capo sai in, caan kan hmang hna

a nuam ka ti, Khuptthi rual hawi

lenti hna he, laitlang Zophei

ram i um mi,Thanghor va i

ngahring dawi kha........

Na Dirhmun Fek

Na Dirhmun Fek

Unau ngai hmanh, kan chim hmanh lai
Na dirhmun fek, na bia leet hlah
na chimmi tuah, na tuahmi ruat
thangchiat ttih hlah, sual tuah tu ttih
thildik ttanh law, bia dik chim zuam
a hman mi ah, mi ttih hna hlah
tampi hngalh zuam, tlawmte lawng chim
nai tinh mi ah, lunghmunh i zuam
na tuah lai ding, chimchung tuk hlah
chim chung lo in, tuah khawh i zuam
dinnak ttanh law, sualnak cu hrial
dinnak nihchun, an luatter lai
harnak caan ah, na lungdong hlah
harnak thawngin, fawinak a um
timi philh hlah,Na dirhmun fek.

Ka Reng Chin Lai ka phang

Ka Reng Chin Lai ka phang

Zanriah ei lai, ngaihlah a hruai

ei lo ah le, mi paw a ttam

meh zoh ahhin, milung a dong

Dal hraikhat ah, a fe keukhat

Ei lai poah ah, ban i hlim in 

minchalh ta hau, pasal lai pa

maw ka si lo, ti'n dak dak 

hmasa a hau, mah cu hnu ah

exercise hna, tuah vun tuah ta in

cu hnu lawngah, ei khawh a si.

Keimah chinchap, ei chiat chinchap

der ngai chinchap, aa tlak hrim lo

ka reng chin lai, a hnu ahcun

vam awng hmanh ah, kai tenh te lai

ka reng chin lai i, ka hawi le nih

an ka hmu kho lai, lo ti ka phang

Masala khi, meh peih hlah maw

a si ka ti, India ahcun

an kio meh ah, masala peih

hin te lo in, masala tu ah 

meh an peih ai. ka bia meilah

lotlau he cun, tthen awk kan ttha 

hrimhrim rua lo!!!

A Fak Dah Ngai

    A Fak Dah Ngai

Zeihme kan sual, chuahsem hlan i

rak ngeih cangmi, nuhrin covo

cotin khawh le, miphun dang bang

zalen tein, len ve tlon ve 

duhruang ngai i, lai fa dawt hna

chanṭim hlan i, ni bang an liam

thlabang an dih, riangmang ko hna hi.

A fak dah ngai, pui thih si lo

ralhrang kut in thih lengmang hi.

Khoi hme peace talk, kahdaihnak le

nyinchienyi e, remdaihnak e

timi hna cu, an tlau dih ne

kahdaihnak tuah, i hei kah pah

mihrut hnachet, kebei mitcaw

ruahnak ngei lo, rumro ah pei

an kan ruah hi, kawl fiar rualnih......

2014, Nov 22 Kachin Ram i a thimi CNF kan unau philhlonak Biazai

Ding tampi Lakah Ding 10

Ding tampi Lakah Ding 10

Duhding cu a lungput,

zoh ding cu a tuanbia

ngiatding cu a nunzia

tlaihchan ding cu a hmurka

uarding cu a mui

thimding cu a fimnak

tuakding cu a sining

ruahding cu a umtu

cuanhding cu a hoihar

hi vial lak ah angan bik mi cu "ZOHDING CU A TUANBIA"asi!!!!

Khun a Dim Cang

" Khun a Dimcang"

Kanrak lengṭi, caankhat lio ah

kumthum chung cu, kan rak i daw

kumhnih chung cu, a rak ka hngah

kumthumnak cu, a lung dong cang

ka va tlung i, na dih deng ma a rak ka ti

kumhnih kaa duh, tiah ka rak leh

ka kal ve lai i, na dih tik in

ka rak tlungṭhan lai, a rak ka ti

khoi ka ah hme, na kal lai le

ka rak ti i, zei ma lo ah tiah a rak ti

kal ve ko ca, ka dih nai lo i

ka rak ti ve, a kal taktak

kumkhat cu liam, kan thawngpang zong

kan rak i thei, kan i chawn i ca kan i kua

kumkhat cu dih, tlunti lo in lanh tu ai tim

ka lan cang e tiah a ka ti, ziah na lanh kun

ka rak ti i, kirṭhan ding cu

ka huam ti lo, a rak ti bak
kumcheu a liam, ca a ka kuat

ka hei zoh cu, khun ka dim cang ti a si ko

ka ngaihchia pah, a ṭha ve ko

ka hei ti pah, kumkhat dih ṭhan

ka timeline wall, news feed ra mi

ka hei zoh cu, sem a cawi cang

ka lu kai domh, zei chuak ti lo

kan lo kan tlau, ti ṭheu tu in

ka biatlang cu, ka kawm ṭhan ko

Cazoh Huam lo

Cazoh Huamlo

Cahmai zoh ah tha a dih

Hei kau ahcun mi aku
ca page kau ah zaang a zel

ca font zoh ah mit a fak

Hei rel ah le mitkuh thlim

Mit tha a di ruhkhua fak

Book ciocio ah facebook le

Cauk te hna a dan ning

Facebook tthut bang ca rel hi

Hei huam ning law ka duh dah

Rel lo ah le thiam fawi lo

Cacawn zong hi a buai pah

Cawn lo ah le a poi hoi

Phaisa nih dih caan nih thlau

A fawi lo awh kadua le''!!!!

" Congthia Khua Nuam"

" Congthia Khua Nuam "

A hluan hlanlio David khua

Atlang thluan cu zion tlang bang

Ho nih iang lo kan semnak,

Bawipa tlang nih zoram thlichia kan pheng in

Horeb tlangnih chim lei thlichia rak kham hna

Tlang nih kulh kaw kan khua cu

An phai jericho hauhruang ko hluan

Khuatluang nih phailen hna maw

Congthia khuadawh nuam tin

Maw a dawh khun zingnu kut,

Semnak kan khua cuanh zawnah.

Maw vanrang tang khuasa hna, 

congthia khua rak pal uhlaw

Vanni kan hampi hram uh

Ttha chin reltti hna usih

Biazai rel in biasawng tlolh 

In kan caan hmang hna usih

An phailen mi congthia khua, suikhua dawh ah leng dingin

Keinih nan in kan kai hna..

Ka Khen Lunthlitum

"Ka Khen Lunthlitum"

Ka phai tawn na kong, ka rual hawi sin ah

mitsir in kan ven, na len hawi lak ah

na aanka theih zong, ka rak cim hrim lo

na biangki sen nih, ka mit a hui dih

kan rak tlaihchan ning, na hngalh lo kar in

kan hmuh ka tein, dawt hram kan rak thok

lung nih cun a phuan, hmur ka bel a taang

phuannak ding caah, caan ṭha lawng kawl in

nithla ka rel tawn, hmanhseh tu ahcun

cung zingnu khuakhan, lairelnak thawngin

hawikom in dawtnak, dawtnak in duhnak

lei ah kar hlang in, caan kan rel ṭi cang

lungthlitum ka khen, dawtmi na sin ah.....................

Zuunngaih

"Zunnngaih"

A king zanṭim, firuk deirel

chuak in zan cu, lawm zal cang hna

a thiangmi van, a dum khun i

zilthli hrang nih, ka dawt rimhmui

a vun ka phorh

Ṭimkhuang ar nih, zeihngal lo in

khuan hramthok hna, caan hngak loin

fingrei cah hram, a vun i thok

fingkirkel in, ka lungthin bel 

cu a um rih.

hngilh thin thi lo, ei chung pil lo

an chim zuunngaih, tual a fah hi

tu lawng pei maw, kei ka in tiah

a fak hrim ko, tluangdang hram in

"zuunngaih" tuar hi...........

Ka Zunngaihnak a Liam Cang Lai

" Ka Zunngaihnak a Liam Cang Lai "

Khua a pau canglai, Nohawng thlizil

a hrang cang lai, meithang zaam hram

aa thok cang lai, a uai mi hnah

an ṭil cang lai, thlizil choihmi

hnahrau hna cu, an lo lai i

hnahthar hna nih, hring eu chuah in

an colh cang lai, zunngaih tuar in

a uai tawn mi, ka thinlung zong

a thar lai i thlizil choih mi

hnahrau sinah, ka zunngaihnak

a liam cang lai,
khangkhum, vaurawng

faiceu chokhlei, senhri thingkep

an par cang lai, caan rel Va nih

an aw dawh in, ṭhalkhua pau cu

an lawm cang lai, khuapau lawm in

a par mi le, aw dawh chuah in

a awn tawnmi, caanrel va hna

an hnuzul in, zunngaih tuar mi

ka thinlung zong,khuapau chuah cu

a lawm cang lai, khi tik ahcun

ka tuarnak le, zunngaihnak cu

a liam cang lai......

"Riahrunn a Tong Lo Vanbawi Fahniang"

"Riahrunn Tong Lo Vanbawi Fahnian"

Cungchin mangbawi, vanbawizik fa

dothiang cung ṭthu, tawn ve lo bang

kan bawipa cu, vawlei misual

chiahrin saltang, khamh awk ah fawh 

a thu theng mi, vawlei cungah 

a rak tlun cuh, Bethlehem khua ah

anu mary, le joseph nih

aw zai nem in, riahbuk an kawl

vawlei khamhtu, chuahnak dingah

hmunhma rep zong, an tong tilo

maw mikhamh tu, mang bik le maw 

sangcem cu ee ,riahruun tong lo 

ar bang a vai, Bethlehem khua ah

lei tlong saram,van i a zuang 

mi va hmanhnih, bu an ngei i 

riahnak hmunhma, an ngeih lio ah

mikhamhtu cu, futnak ngei lo

riaklangva bang, Bethlehem khua ah

futnak kawl in, a rak vak vai

maw khuasik thla, le  Bethlehem

a kih dan cu, kaa in chim khawh a si ṭung lo

cu chunchap i, nauta chiahrin

salchia hmanh nih, ton bal lo mi

cawkawm chung i, mikhamhtu ngai

hrin a si cu, a faak hrim ko

maw ka chan le, khamhtu chan kha

ai ton lo cu a poi dahngai, maw mivialte 

khamhtu messiah, lianngan pathian

sunpar nak in, a khat mi fa

riahnak ca le, aa futnak ah

 thinlung innkhar, hun piak usih

tiah kan sawmhna, hi biazai hin

Nang Zuunngaih Ah

"Nang Zuunngaih-ah"

Ttuan zaang tlunglo, hngilh thinthilo

na kong ttheu cu, ka ruat ttheu tawn

cu ngai tluangdang, li len fah cu

an chim bungdim, lileng va ko

ka hluan ai mu, zuunngaih vaangah

zei caantiang hme, na zuunngaih hi

ka tuar rih lai, a lang lo mi 

tlang zaa den in

Zaan mang ahcun, ka ton tawn i 

lungduh biazaa, kan phaitti tawn

ka vun i hlau, khuahoi zawnah

rinawn chantling, cung i kei lawng

ka si ko khi, dahngai a faak

ka ti khun ee

Va bang zuanthiam, tal sining law

dawtmi sin ah, ka zuang diam hnga

a reikiangah, kai fu hnga i

lungduh biazai, ka phaipi hnga

an chim khuatlang, lunglen fah hi

atu ceo pei, maw ka in tiah

Maw zuunngaih fah ka tuar khawh lo cu.

"Na Kong Ruat In"

Na kong ka ruat, kai hngilh kho lo

khuadang ruatning, ka ti zawn ah

na kong ttheu ah, ka tla tthan tawn

na mui thlam hi, ka mitthlam ah 

loh ai timlo, iangngei ka dawt.

Deirel arfi ,chuah lai te i

kai hngilh zawn ah, kan manh phanh tawn

zingthawh pah in, a dam hnga maw

ti ka ruah hi, a tlawmti lo

maw zuunngaih fah, ka tuar khawh lo cu.

Na kong ruah le, na muithlam le

na zuun ngaih in, nithla rel hi

a fawihrim lomu, kei ka caah

tlengkhat tthumi, vanva bangin

lungduh biazaa, kan phai tawn kha

ka ngai hringhran, a lang lomi 

vairawn deng in, zeican tiang hme

na zuunngaih le, na kong ruat in

ni le thla hi, ka rel rih lai 

IANGNGEI KA DAWT..............

Keimah

"KEIMAH"

Vun ngaihmanh uh, zai ve tuah ning

keimah timi, atthat lo ning

ka chim hmanhlai, ttha tein ngai hmanh

ai daw ko mi, a huatter hna cuh

airem mi bu, acheu hoi cuh

meeting biachah, a harter cuh

lungrualnak tlang, a chimhdih cuh

hawile kom zong, a tthenter cuh

inchungkhar zong, a buaiter cuh

maivan biaruah, hna a hnawh cuh

mahlawng umnak, a chuahpi cuh

hruaitu  biazong, ngaih duh locuh

mi va nawl zong, a thiam lo cuh

palh ko mi zong, ai thei lo cuh

muichiat zongah, kai dawh ti cuh

ia dawh ah le, mi lamhdih cuh

cheuhbauh nun zong, a ngei lo cuh

bu cheu hrimhrim, a hmang tuk cuh

Democracy zong, a doh hoi cuh

hei tuakhmanh uh, a tthat lo ning mu

mahchunchap ah, hrial khawh har cuh

maw keimah nun, zeitin in hme

kan hlonh khawh lai, ka ti ahhin

ka mang a ang, kan hlonh zongah

na rak kir tthan, thancho dawn tu

maw keimah nun, san na tleih ning

ttumchuk nak ah...

Liam Cia Dawtmi

Liam cia dawtmi

lennak chumtual, lungrawn khuazung

zattial tleih in, leen tti caan kha

ka philh kho lo, ianghlei ka dawt

fingtlang hrawn i, chokhlei senhri

kan ttawh tawn kha, ka ngai hringhran

a tu ahcun, thankong fiakfai

cilio thareng, an hram zawnah

ka lileng ee, bungdim va bang

nang ngeih vangah, ka hram fah hi

ka theih piak law, nai khirh hnga maw

ti ka ruahah, zaan khua ka dei

kan philh kho lo, maw ka dawt aw

kan philh lai lo, na rak ti kha

a tu ahcun, kei ca ttahnak a rak si mu

biangno mithli, hnawh lawng hi maw

kei ka caa i, na chiahtak mi

dawtnak a si, ka tuar kho lo

nang zuun ngeih hi, a faak ko mu

Liamcia dawtmi!!!!!