Lunglomh Biachimnak
Apakhatnak ah: Kumpi kum nga chung ka sianginn kainak ah dam tein lam a ka hruai i zawtfah harnak chung in damnak le luatnak a ka pe i a thiangthlaurau in a ka umpi zungzal, dam te le tluangte in sianginn kai zong a ka limter tu cungnung bik Pathian sin ah kailawm i a min ka thangṭhat.
Apahnihnak ah: ka dawtbikmi a ka hringtu ka nu le ka Pa Pu Ral Mang le Pi Ca Men cungah kailawmhnak le an dawtnak langhter ka duh, kan fa pa sianginn kainak caah cun ti'n an ngeih chunmi saṭhil arva le ngeihchiah chawva tampi dih in siseh nifatin le zanfatin thlaza an ka campiak lengah, dawtnak bia thlumthlum le ruahchannak bia phun zakip he tha an ka pek, an dawtnak hi ka nun chungah ka cham kho hna lai lo Khuazing Pathian nih ka dawtmi ka nu le ka pa, fa le caah chantlung tiang a nung ding in a thluachuah za he umpi peng ko hnaseh.
Apathumnak ah: ka chuah pi ka u le ka nau, Ngun Ṭha Par (Abishak nu), Thang Hre Lian (Dawthlei pa), Cung Bik Lian (Biak Nun Ṭial pa) le ka nau hniang bik Siang Cung(siangsiang) sin ah lunglomhnak biachim ka duh. Kan upabik a simi Aangun nih ka ṭa na thachia hlah i zuam ko ti in le hmurka ṭhaṭha le biadawhdawh in tha a ka peek i thla a ka campiak, ka u Hrete le ka nau, Bikte le Siangsiang nih Miram dang ah thadi zaangba in rian an ṭuan i an phaisa hlawh chunmi in India ram Serampore sianginn ah an ka kaiter. An ka dawtnak hi a lian tuk hringhran, an ka dawtnak, an hnakkar i an ka tenhnak le ka zawn an ruahnak hi a ngan hringhran, u le nau ṭha a ka petu dingthlu lairel Pathian cungah kaalawm. (A hlei in Dawthlei te chungkhar thawnginn sianginn kai ka dih khawh hi a si, an khuasak an tuntuk hmanh ruat loin keimah sianginn kainak ah an hmuhchun mi phaisa chaw in kumnga chung an ka zoh khenh, an dawtnak thawngin sianginn kai ka dih hi a si Bawipa nih thluachuah pe ko hnaseh).
Apalinak ah: ka u nau dang a simi, ka sianginn kainak ah phaisa chawva in a ka bawm mi le thapeknak bia le hla in a ka bawm lengmang mi ka u Van Sui Hniang (Asui), Van Bawi Ceu (Abawi), ka u Ngun Ṭha Chin (Chinkuk) le ka pa te a simi Ngun Luai (aaluai) le Pu Lian Hei (Van Sui Par pa) an dihlak cungah kai lawmhnak langhter ka duh. Chungkhat sahlawh rualchan an unau caah an ka bawmhnak le an tuahsernak cu Khuazing Pathian nih a let tampi cham hramhnaseh ti hi ka thlacamnak a si.
Apanganak ah: ka sianginn kai lamtluannak caah tiín thla a ka campiak lengmang mi le thapeek nak bia ṭhaṭha a ka chim tawn mi chungkhat sahlawh rualchan le khuami ramchung ramleng um vialte nan cungah ka lunglawmhnak langhter ka duh, Dingthlu lairel nih nan umkalnak le nan rianṭuannak cio ah a thluachauh relcawk lo he an umpi hnasehlaw, ṭhachin an relter cio ko hnaseh tiah thla kan campiak ve hna.
Aparuknak ah: ramchung ram leng um mi ka hawi le vialte nancungah ka lunglawmhnak langhter ka duh, tha nan ka pek cionak le thlacamnak in nan ka bawmhnak thawngin dam tein le tluangtein sianginn kai ka dih khawh hi a si, Pathian nih Facebook chung i ka hawi le he a lenglei ka hawi le vialte he nan umkalnak cio ah in umpi hna in lam an hruai ko hnaseh, nupi ṭha le vaṭha te an pe hram hnaseh, dinnak ṭanh uhlaw, felnak he a ṭhangmi mino si i zuam, nunzia in miphun sinak a langhter kho mi si hram uh tiah thla kan campiak hna.
Adonghnak: Ka sianginn kai ṭi laimi ka hawi le ka damlo caan ah ka pawngah um in a ka zohkhanhtu a dih cangmi le a tu ka kai ṭi hawi le he vai(Indian) ka hawi le ka cacawnṭi ka khankhat vialte cung zongah kai lawm. Kum pi kum nga chung kan umtu chia he ṭha he a kan cohlang i a ka daw zungzal tu, ca a ka chimmi ka saya vialte le rawlchum i inn phiakmi staff vialte cung zongah kailawmhnak a ngan hringhran, Khuazing Pathian nih hmailei a rian an ṭuannak ah umpi hna in thluachuah pe zungzal ko hnaseh ti hi ka thlacamnak a si.
