A sunglawi khun mi December thla

December thla, a ni khatnak zing
Cerlian ninu, ceu virmar in 
A rungchuak mi, naa dawhtuk e
thla dang zing he, naa lo hrim lo
thla hawi sin ah, a ceu bik zing
khamhtu chuah thla, na si ca maw
na ceukhun hnga, vawlei ceunak
a chuah thla cu, naa dang hrim ko

Zirthli a hrang, zing ciciai in
thingram pangpar, an i dawh khun
khamhtu chuah thla ah,va phunkip nih 
an aw dawh in, khamhtu chuah thla
an rak lawmh cio, mi lung an hlau
December thla,nikhat zingah
vawlei misual, tlenhtu dingah
runrep ngei lo, Bethlehem khua i
na tlun thla cu, lawm in an dong 
sermi thil nih, van bawi fahniang 
na chuah thla cu, a sunglawi khun
    MISUAL CAAH

Semmawng hrinhniang, tleirawl hna le
leng le val nih, aw le zai he
lawm in dong hna, khamhtu chuah thla
maw December, thla vialte lak
thlasung bik thla, na rak si mu
mi vialte ca, luatnak hmuh thla
na rak si mu, vawlei misual
luatnak phortu, khamhtu chuah thla
na sunglawi khun, MISUAL CAAH

Feb 14, 2014 Ni le Kei ka Caan Hmanning

Nihin Feb 14 zing cu thawh ka harh ngai, saulak tein ih ka duh tuk nain first class kan ngeih caah class tlolh kha ka sia rem lo i zing ka 8:00 AM ah ka tho, ka thawh le cangka in breakfast va lak ah dinning hall lei panh in ka kal i ka va phanh cu breakfast nih a rak ka dih tak ai, a ze!! voikhat loh ka ti liklak ka kir, ka hmai ka phiah, ka ha ka tteih, PC bag ah ca tlawmpal ka sanh, writing pad le blank papers tlawmpal ka ken i sianginn lei ahcun class lak ah kaa thawh, kan Ecademic bulding hmai ka phanh ahkhin Cungpi Did U completed your assignment? tiah, ka classmate pa nih a ka vun ka hal i No, ka vun ti kan saya pa nih assignment a dih lo mi cu class lak a ngah lo tiah a ti khah a vun ti i a ze! voihnih loh, ka ti ka lu kaa kheuh pah khin, zeitik dah up ding si ? ka hei ti tthan yesterday 5:00 PM tiah a vun ka leh, a ce lohtlau pei si ne cu ka ti, sicun zeidang bia a ka cah mi um maw ka hei ti tthan i he told you to submitt today before 5:00 PM a ka ti tthan, si cun ttin tthan ko ne ning a ching hnihnak saya te dang ching tu ah lut tthan te ko ning ka ti i, a chinghnihnak caan cu a vun phan panh nawn tein class ka lut tinalak ah sayama nu nih cungpi, class na bau tamtuk cang tu voikhat na bau cun caminpuai na phi kho ti lai lo a ka ti chap bei le aze zei ton hme ka ton ma cu tiah ka hmaichia pah i sau nawn khua ka ruat tlawmpal ah ok ka bau tilai lo sayamah ka hei ti i a ching dih bak cun ka room ah a rannak in ka kir tthan room ka phakbak in assignment cu a tang hmanthlak nan hmuh bangkhin ka tuah lengmang le chun ni ka tla ko, zei valentine day le day lo zong ka thei lo kei cu, breakfast le ka ting ti lo, class lak le ka ngah hoi lo, caminpuai na phi kho lailo tiah tlerhkhonh ka tong fawn chun nitlak assignment nih le a ka hrem hoi i ka caah cun Valentine Day si lo in Day of misfrtune tu a rak si ai, laitlang tucun si sehlaw chocolates le Candy, handmake valentine card heitiphun cu paiper khat bak ka chuahpi lai ka ti nain India a si caah paiper khat cu chim lo, chocolates le candy hawng hmanh ka hmu lo heheee ,,,,, voithum loh bak in ka lo tuni cu!!

Sermon Tawi

1 Timothy 6:10 , Tangka duhnak hi ṭhat lonak phun kip chuahnak hram a si, 17-18 Mirum kha bochan awk a tlak lomi mi nan rumnak hi i phorhlawt pi hlah uh, bochan hlah uh tiah nawl na pek hna lai, Zeizong vialte petu pathian tu kha nan i bochan awk a si na ti hna lai. Thilṭha tuah lei ah a rummi si ding le nun sian, hrawmh le cheuhboh nun an ngeih khawhnak hnga nawl na pek hna lai...

Hrilhfianh:: Tangka duhnak nih mithah le lai nawn fir le tlei tiang a chuahpi, tangka duh ruangah biaknak a kaltak mi rel cawk lo an si, cucaah Paul nih Timothy kha fiang hlang ngai in a cawnpiak, tangka nakin Pathian duhdeuh kha tangka tangka hmuhnak a si deuh ti khi a si, phundang cun thluachuah, kha a si, tangka na duh tuk ahcun hnangamnak na hmu kho lai lo i lungretheihnak le sualtuahnak lungthin in na khat lai cucaah Zisuh tu duh Zisuh nih pekmi tangka, hna ngamnak, ngaihmi le sining ah lungtlin khawhnak, mah le mah i cohlan khawhnak tangka ngeih kha rumnak taktak cu a si zia kha Paul nih a langhter duhmi a si, 6:8 hrawng kha relchih ahcun a fiang chinchin hnga,, bia kan tuam a si ahcun "rumnak taktak cu ngeihmi le sining, sifah zongah rum zongah mah le sining cohlan khawh lungtlin khawh kha a si" cu a chimmi cu hnulzul ah tangka duhnak hi tṭhatonak vialte hram a si tin a faak nawn pi a vun nolh mi kha a si.

17-18;;Mirum rumnak a pe tucu Pathian a si, cu rumnak a pek hnawhchan cu miharsa, le sifak santlailo bawmchantu ah a si zia kha mirum nih an i theih tawn lo caah an rumnak an hmanthiamnak ding kha Paul nih Timothy kha nawlpek ding in a fial mi a si, Timothy Mirum kha nawl hna, an rumnak kha i bochan hna hlahseh, an rumnak kha an mah tein an hmuh mi a si lo Pathian nih a pekmi hna a si khah, an rumnak i bochan lo in a pe tu ah i lawm hnaseh, thluachuah ah i lawmh lo in thluachuah petu ah i lawm deuh hna seh ti kha Paul nih Timothy sin ah a chim duh mi a si, rum ṭung i ṭhatnak tuah duh lo, miharsa bawmh lo kha thluachuah zeirel lo he aa lo mi a si caah Paul nih Timothy kha cawnpiak hna tinak in nawlpe hna tiah a tinak kha a si,

Cucaah, rum cu zeidah a si? ngeih mi cung i lungtlin le sining i cohlan khawhnak, tangka duhnak le ngeihnak nih hna ngamnak, rumnak chuahpi lo in Zisuh duhnak tunih a chuah pi deuh, Zisuh duhnak nih a chuah pi mi rumnak cu hnangamnak lawmhnak, taksa le thlarau rumnak kha a si. Na ngeih mi kha na hawikom na innpa, na khua ram caah na sian lo ahcun thluachuah nai fian lo bia a si kho men... a reltu Pathian thluachuah an pe hnaseh.

"Rom ahcun Rom mi Bantuk in Nung"

Khua chingchan minung hmanh kan khua ah lektuk in a nun, kan nunphung buar in a nun ahcun vuak le tuk aa huah tawn, cucaah hmun dangdang kan umnak, ramkip kan umnak ah an ram sining le nunphung tlawmpal cu theih in cu an nunphung te cu "Rome na um ahcun Rome minung bantuk in um" timi phungthluk zulh tein nun hi a biapi ngaingai. South India ahcun nu nih saree hruk in an ke hmanh hi an langhter tuk lo, khua machel ahcun an keng le paw hrawng cu a lang nain an ke lei cu an ngal tiang hmanh a lang bal lo, bawngbi an i hruk hmanh ah bawngbi sau lawngte an i hruk, a linh an tuar khawh caah si lem lo, an nunphung le an hruk-aih ning an upat caah a si ti usih law kan palh lai thlu lai lo. A si nain Northeast lei kan unau nu tete rianṭuan mi he sianginn kai mi he tor le cheng an ra i South India ah bawngbi kaikam tiang langdeng mi, a tawi khawh chung tawi mi an i hruk, angki banngei lo hna hruk in an vah tik ah zoh a rem lo ngaingai, South India/ India nunphung buarpiak ah ka ruah, India cu nu he aa peh tlaimi nunphung chia a ngeimi an si tik ah Hindu family ah, nu cu pawi an si lio in thahmi hna an tamtuk, phunsang deuh nu le, leng an chuak tuk lo i India pa hi nu loin, nungak ngeih loin a ummi hi an tamtuk meisei, cucaah nu van hai in an vak, an thazaang nih ṭhawng an pumrua nih ṭha an ei nih thaw an thi nih ngan, an mah south India nu nih le an um tuk lo a ummi hnih khat zong an i tuam dih caah an khuaruah a tamter lem hna, a si nain Northeast kan unau nu tete nih bawngbi tawi khawh chung tawi le liangbah angki pen te rori he an vah tik ahcun South India pa, nu a hmu tuk bal ve lomi caah a rak fawi lo ngai, cucaah society pakhat ah a cang hnga lo dingmi tlaihhrem timi hi a cang ṭheu tawn. Hot ngai in thil aa hruk mi an tlaihhrem hna lo hmanh an hmuh hna nak thawng in midang cungah ṭhat lonak an chuahpi ti khawh zong a si ko hnga, hiti kan ti tikah a ruah awk tam ngai, video zohnak zong in si kho ko cuh teh, etc..a si kho ko cu teh,, nain chimduh bikmi cu mi rangdam, hmun dang ah an nun phung le hruk-aih ning zoh piak lo in kanmah ram le hmun bantuk in nunphung dang a ngeimi hna sin ah um cu a hmaan hrimhrim lo, chiatnak a chuah pitu a si ko ti kha a si. South India ka ti tik ah keimah i ka hmuh khawh mi hi South India deuh a si caah a si, rawl India, kala miphun cu a rang he a nak he an thilhruk ning a lo pah dih ko ti kha chim ka duh. Kan nih Laimi North India lei ummi zong nih kala ram kan umnak ah thilhruk zia thiam hna usih ti hi forhfial duh mi a si. Thilhruk aih cu nan mah nawl nan covo ngaihmi bak a si ko nain India nunphung he aa zul dawi kho mi hruk-aih ning in nan i hruk ahcun cucu zoh a co i upat cu a phu mi a si, himnak zong a si.

Biadang ah

Nihin Laimi, lairam a tlongleng mi zong nu he pa he, kan thil hruk ningah kan ṭhangcho ngaingai, kan luanpah deng ve cang hlah maw ti awk in a um, Pi Pu phungthluk ah "Nu khup langh le Pa til langh a tluk an rak ti" a si nain nihin ahcun aa ling talet cang rua hlah maw ti awk in kan um, Pa phei langh le Nu zeilo langhdeng aa tluk ti awk khin a um. Chan a ling ta let, ti hau lai. Hi ti ka chim tik ah thil hruk kongah midoh le mi covo buarpiak ruah ah ṭialmi si lo in, kan i hruk-aih ning zong hin hlan kan phung kan lam, kan hruk-aih ning kha philh lo in upat peng hna usih ti hi a si. Kan thil hruk-aih ning hi ṭha tein ngiat ahcun nitlak ram nih a kan chonh deuh mi lawngte a si ti usihlaw kan palh tuk lai lo dah, tuchan ahcun nitlak ram nih a kan chonh mi nunphung hi hrial in kan mah tein kan nunphung ṭhing a ṭha mi kha tharchuah awk kan si, mi nun i teiter nak in kan mah nih minun teikhawh khi kan i zuam ve caan a si cang. Laimi tampi zong nih laimi kan sinak, kan phungthluk tete zong kha ruat pah bu tein um khawh i zuam hi thil ṭha le aa dawhcah ngai mi nunzia a si. Zeibantuk nu hmanh a miphun thilthuam le hruk-aih ningcang tein aa ṭamhmoih ahcun aa tlak, zoh a co i duh a nung, Lai nu nih Bawngbi tawi le bawli lawng in na vah kha nitlak ram pa caah cun duh na nung kolai nain lai pa caah cun a zoh chia ngai, Miphun dang ca nak in kan mah miphun caah si i zuam in miphun dang uarmi nak kan miphun uar mi thil tuah hi a ṭha bik mi a si, i miphun pakhat chungah a ummi pumpak dihlak kan rian zong a si.Ka tlangtar in saulak ka pial sual rua.

Biafunnak

Rom ahcun Roman bantuk in um kan titik ahkhin, ri te a ngei, Miphun dang le miphun dang holh le muisam aa dangmi hmunhma aa dang mi cu zeizong te tlinh in nun khawh a har ngai, sihmanh sehlaw zatlang nun ahcun i hrawm khawh mi lawngte a si, miphun dang zong nih, anmah miphun a si lomi ṭhutdir ning hruk-aih ning cang cu an theihthiam ve ko a si nain, South India in Northeast nu cheukhat an an i hruk-aih ning hi Northeast hmanh ah an um loning pi khin an um tik ah ruah a rem lo, kan mah Northeast hmanh kan ruah a rem lo ahcun an mah South pawl chinchin cu an mit a kem kolai tikhi langhter duhmi a si, ka ca sau chin lengmang a tim cang, cucaah Miphun dang hmun le hma ah kan um ahcun an nung phung zulh dawi khawh tein nun hi i zuam hna usih,"Rom ahcun Rom mi Bantuk in Nung hna usih"...

Note: Na Hruk-aih kongah Ho hmanh i thlak khawh a si lo, minung pakhat nih ngeih mi covo a si. Nangmah pumpak covo na hmannak ah miphung na buar cu, covo hman thiam lo a si. Nufim le pafim nih cun amah nunphung a upat, a miphun hruk-aih ning a dirkamh, khuasum khua hna tuak in aa hruk-aih, Lai nu nih lai pa caah ka si awk a si timi ruat, laipa nih lainu caah ka si ti ruat, lai nu nih lai pa caah i hruk-aih, lai pa nih lainu caah ṭuan, laimi nih lai nunphung ṭanh, laimi phun tung law dirkamh, cucu laipa le lai nu rian a si....

2015 Election Campaign Diary

Biahmaiṭhi

Ka tlangtar hi zoh tik ah, milung a la phun ngai cu a si nain, election kong research ding hna ka lo, a si nain hi ka ca nih a tinh bik mi cu, East Zophei le Lautu peng i kan vahnak thil a cang mi kan hmuh tonmi tete ka diary i ka ṭialmi kha vun langhter ka duhmi a si, Diary kha tlangtar ka pek mi sawh sawh khi a si, a chung i nan hmuh ding cu, caṭialtu nih nih a hmuh ton mi sawhsawh kha a si lai, election law kong le party policies te hna kha cu a si lai lo ti kha chim hma sa ka duh. Phundang cun kan kal umnak hmun le hma ni le caan te kha langhter ka duh mah belte a donghnak lei ah ka hmuhning tlawmpal ka ṭialmi khi rel ṭha a si lai.

Thil Sining Tlawmpal

Pyinay hluattaw/state hluattaw ai awh tu ding thimnak ah thantlang peng cu hmun, Constituency pa hnih ah an ṭhen, hmun khatnak cu Thantlang peng Vanzang tlang, Khuahring tlang, vailam tlang, Buarpeng zahnak tlang lei khi a si i a hmun hnihnak cu Thantlang peng Zophei ram, Lautu, Mara tiah ṭhen a si, kei ka vahnak cu a hmun hnihnak, Constituency2 ah Pyinay Hluattaw aiawh ding in aa zuam mi ka pa Dr. Hmuh Thang ka zul, amah a zuamcawh tu cu NLD in Pu Bawi Ṭial, CNDP in Pu Hlung Ce an si, Pyithu le Amyotha candidate cu kan ṭial lem lailo. 

Ka Zulh Venak a Ruang

Thantlang in modern Leitak tiang cu lam a ṭhat rih ko caah Dr. Hmuh Thang le a hawi le pali cu motor in an kal i, Leitak A, le Zepi lei ah motor a lanh khawh ti lo caah, Congthia ah  minung 8 a kan cah, keimah, Lian Za Thang, Peng Ceu, Min Ling, Than Lian Thang, Tluang Za Pum, Za Chum, Than Ceu Lian kan si hna, phun dang in chim ahcun Dr. Hmuh Thang i a tu le a fa lawngte kan si hna. Amah hrimhrim nih tutan cu ka khua mi le ka tu fa lawng bak nih ka zul hna seh a ti caah kan mah pawl nih kan zulhnak hi a si. Phun dang cun cycle a mongh piak tu le mino  sin ah kan theihmi le thilsining kan pom mi kha chimpiak ve kha kan rian cu a si ko.

Day 1

2015 September 22 ah Leitak Zeepi kan phan. Congthia in kan i thawh i Modern Leitak ah thaithawh kan ei ta, tlawmpal kan i dinh hnu ah Leitak Zepi ah kan lan, Leitak Zepi nih lakphak he an rak kan don, cu lawng hlah kan phak lai ni ah Ngal, Ngal thum an rak kah i chuncaw ah ngalsa cu lung savo tiatia in an can in khim taktak in kan ei hnu ah zanriah ah kan i nolh rih, ka hngakchiat tein ngalsa tambik ka ei ni hi 2015 Sept 22 ni hi a si kolai dah, sipian ah ngalsa, an kio mi a um, an chumh mi a mi a um hoi cu ee. Zanriah ei khawh in 7:30 PM in biaruah hram cu kan thok i lungtho ngai in, "kan nih Zepi cu Pyinay Hluttaw ahcun nangmah kan i pek dih kolai, kan lungchung in kan i tinh mi a si ko ee" an ti caah kan i nuam ngaingai, lunghmui taktak in tlun inn a kan chiahnak ah biasawng tlolh, ramkhel kong kan theih mi hnih khat cu khu le phak in kan ceih pah in mitkuh thaw ngai in kan i hngilh. 

Day 2

Thla 23, zingka ei loin Leitak A (Siapalai) ah kan va lan, cu ka cun lakphak he a rak kan don ṭhan i lakphak kan din hnu tlawmpal ah biaruahnak cu an thok, Dr. Hmuh Thang nih Chin ram caah a saduhthah a chim a zultu upa hna zong nih an chim cio hnu ah khua mi nih nan hna ngam ko uh, "kan nih khua cu Pyinay Hluttaw cu nangmah kan in pek ko lai tiah lungtho ngai in bia a kan leh" i, a tlaipah cang caah kan paw ṭam ngai i biaruah a dih le cang ka in thaithawh a ran khawh chung in a kan dangh i khim taktak in kan ei hnu ah kan kut kan i tlai hna i tuluk cycle cun Aibur lei panh in kan i thawh.

Day 3

Ni 23 chun suimilam 1:30 PM hrawngah Aibur khua cu kan phan, Zan lei sang tuan te ah zanriah a kan pek i ei khawh tlawmpal khin biaruahnak cu thok colh a si, Inn ngan taktak ah tonpumhnak kan tuah nain khua pi tein an rak chuak dih i inn ah kan i tlum lo, innleng ah zahzat coka ah zahzat in kan ṭhu hna, mah nih a langhter ngai mi cu Aibur hi ramkhel lei ah an lung a lut i ram kong ah biatak tein khua an ruat ngaingai ti hmuh khawh a si. Bia an chim dih hnu ah biahalnak cu tuah lengmang a si nain fiang hlang taktak in candidate le a zultu pawl nih an chim caah biahal awk ngaingai an ngei lo, 2008 phunghram pi articles 59 f kong le 436 kong an hal nain a haltu nih zeidah a um ti zong a thei lo a si nain chim fiannak an ngeih ṭhiamṭhim i a fiang ṭhan, mi nih halter mi phun si dawh si a haltu kha. Cu ticun Aibur zong an hmur ka a ṭha, nain bia a leng mi cu, CNDP deuh an si timi a si, nain ton biaruahnak zoh tik ah lung a hmui ṭhiamṭhiam i lung nuam ngai in kan um ko hna.

 

Day 4 

Ni 24 zing thaithawh ei khawh in Aibur khua i dam lomi/mizaw a zoh pah hnu ah Tisen lei panh in kan i thawh ṭhan i tuan ah Tisen A kan phan, Lautu ram a si cang caah tlawmpal te cu Zophei he kan lungput a rak i dang deuh, a thli hran ning zong a dang deuh ngaimi a lo, peng min le tlang min zong nih hin lungthin a danter deuh hrimhrim ko hi teh ka ti. Tlamtling tein biaruahnak kan ngei kho i, Tisen khua zong an hmurka a ṭha a sinain ramkhel an pomning phun dang te a si, a hnu ah ka langhter te lai.

Day 5

Thla 25 ah Tisen B kan phan, zan 7:30 PM ah biaruahnak kan tuah i Tisen B zongah hmur ka ṭha he bia a kan leh i kan lung a hmui ngai ko, an chunglei ruahnak a tam kan theih lo zongah kan in pek lai an ti cang ahcun kan lunghmui ko, Tisen B ah chungkhat sahlawh nih vok an thah i thlacamnak an tuahpiak caah nikhat thla ni 26 ni kan cam i, a thaizing ah Surngen khua ah kan lan.

Day 6

Thla 27 ah Surngen kan phan, thla 28 kha zarhpi ni a si caah kan cam, minung pakhat tal nih cu solo kan sak piak ko uh, tiah an pastor pa nih a a kan fial lengmang caah nangmah sa ko tiah ka hawi le nih an ka ti i , ka ṭhuat taktak cu surgen khua pi cu an lau ko ziah, hi tluk aw ṭha nan i ngeih hin liveshow na kan tuahpiak chih lawlaw lo tiah bia chokvai ka theih pah LOL,biaruahnak tlam a tling, hmur ka ṭha he Fanṭhen lei ah kan lan.

Day 7

Thla 29 ah Fanṭhen kan phan nain Fanṭhen khua ah Party khat si ko nain pakhat le pakhat i rem lo ruangah boruak a rak ṭha lo cucaah, Fanṭhen cu kan lanhtak chung i Thangaw khua ah kan lan, 29 ah Thangaw khua kan phan, biaruahnak tlamtling in tuah a si nain a chuak mi an tlawm ngaingai, bia a leng mi cu Pyinay Hluttaw cu Lianlian pa pek dih ding in biachahnak kan ngei ti a si caah meeting zong an chuah lem lo mi a si tiah kan theih cucaah kan hna a ngam. 

Day 8

Thla 30 ah Khuahrang khua kan phan, biaruahnak tlamtling in kan tuah khawh, hmur ka ṭha he a kan leh caah kan hna a ngam, cun a hlei in Pu Van Za Rung, Dr. Hmuh Thang a zul ve mi hi Khuahrang bawi a si caah a bia an ngaih ngai tiah kan zumh caah kan hna a ngam khunnak a si, cu ti cun Hnaring lei fuh in kan i thawh ṭhan.

Day 9

October 1, 2015 ah Hnaring khua kan phan, Hnaring cu Pu Bawi Ṭial khua a si caah boruak a chia te lai tikhi kan zumh cia a si ko, kan phan taktak i tlun inn ṭhaṭhi hmanh kan nih pawl caah cun kan tong lo, kan vahnak a sau pah cang caah kan ba i dinhnak inn a kan pek colh men lai kan ti nain a kan pek lo caah pu Khua Le Ling inn lengah ah kan i hngirh i ngaihchia ngai khin kan um, riahnak a ngei lomi ar ko kan hluan, a si nain capo hna kan sai pah ṭhan i a nuam pah thulh ko. Oct 2 zingah biaruahnak kan tuah hnu ah Fanṭhen lei ah kan rak kir ṭhan, kan i ruah cia mi bantuk tein a si ko caah Hnaring kongah cun lung nuam lo in kan um lem ve lo, a dang khua ruahchannak tampi a um cang caah a si.

Day 10

October 2 ni ṭhiamṭhiam ah Fanṭhen khua cu dam tein kan phan, Pu Khardua inn ah kan tlung, Party khat minung veve an rak i rem lo mi kha an rak i rem cang i tluang te le nuam ngai in tonbiaruahnak kan ngei kho, Lautu ram ah Fanṭhen hi ramkhel kong ah khua a ruat bik an si lai tiah ka ruahmi an si, an biahal mi pawl hi hal bak ding lawngte an hal, an biahal mi pawl nih mi lung a ton ngaingai, Dr Hmuh Thang zong a lung aa hmuih ngaingai ve, amah belte Fanṭhen nungak cheukhat nih Lakphak an phio i a kan dangh mi cu a thlum tuk ahhin October thla dih tiang ka kam thlum peng tining law ka porh deuh bia si lai. Khapriat bel ah Cawhnuh bu bu hra le cini cuai thum hrawng si ma si ka cing ti lo, a thlum tuk ahhin ka lu ah a kai, kei hi lakphak thlum a uar ngaimi ka si ve caah kai lunghmuih ngai ko. Cu ticun lunghmui ngai in October 3 cu lunghmui ngai khua lei panh in kan i thawh, tlun pah ah Aibur khua nu khua pa nih lakphak in an rak kan don ṭhan i kan i lawm ngaingai, lam cu ro deuh cang kaw, Motor kha Tisen B tiang a ra kho i tlun lei cu thil le minung phorh lo tein cycle cu kan i mongh cio hna in rang taktak in kan tlung i zanlei sang mui lai thinghmui sa palh ahkhin khua cu dam tein kan phan ṭhan.

Ka Hmuh Ning

Lautu kan unau sin ah biahalnak ka tuahmi cu hitluk in tutan ah Dr. Hmuh Thang nan dawt komi hi ziah 2010 ah me nan pek lo tiah bia ka hal tik hna ah, amah a si zongah a zultu an si zongah an biachim ning hrimhrim hi me kan pe hlah uh ti he ai lawh caah kan pek lonak a si ee an ti, zeitin dah an chim ka titik hna ah, "tutan cu mee na kan pek zong pek lo zongah kan tei ding khi a si ko, kan awng ko lai, an ti lengmang caah a tei ko ding cu zeidah mee pek cu a hau kan ti i kan pe lo" tiah an ti, hi zawn ah an biachim an theihthiam lo deuh a si kho men ti zong ka ruat i an biachim ning zong cu a si kho deuh lo ah ka ruah ve caah aw.... ka ti i a leh awk ka thei hna lo, nain tutan cu amah pek kan i tim dih ko tiah an ti caah si tutan cu kan pe ko tiah ka si khawh tawk in ka chimh ve hna.

Lautu peng ramkhel an kalpi dan hi khua khat ah party pahnih in an i cheu deuh rua tiah ka ruah, an ruahnak cu Party pakhat kan ṭanh dih a si ahcun cu party kan ṭanhmi a sungh sual ahcun a dang party nih zeihmanh a kan tuahpiak duh sual lai lo ti khi a phang mi an lo, cucu ka phaknak kip ah ka hal mi hna i an ka leh mi nih a sawh duh mi khi ka lawhter caah ka chim mi a si, Party pakhat an sungh zongah a awng mi hnarcheu kan um lai i bawmhnak kan hmu ṭhiamṭhiam lai ti khi an kalpi tiah ka ruah. Atu an kalpi mi hi a hman tiah an ruah caah an kalpi mi a si nain, chiatnak zong a chuah pi kho ngai mi a si, luhmuhzi/social life a ah ṭhat lonak a chuah kho pi mi a si tiah ka ruah, a cozah an hmuh ning zongah tlawmpal cu a dik lem lo tiah ka ruah, cozah a tlai lio mi party nih a party i mee a pe lomi kha a ral ahcun cucu a dik lomi a si hnga, rammi caah tluk ruannak a um khawh chung in rian a ṭuanding a si ko i an ṭuanding khi a si ko.

Kan Herh Ngaingai Mi

Lautu ram ahcun NLD le USDP hi an tam i CNDP an um tuk lo khan khi a si, Zophei le Mara ram ahhin CNDP an tampah tiah ka ruah, Zophei tu ahcun cheuhnih ah i cheu timi ruahnak a um lo khan a si, Ralkap uknak in sautuk a um cang mi Chin ram ah a voihnihnak khan lawng a simi thimnak ahhin a lang ngaimi cu mipi nih ramkhel boruak kan rak hngal hrimhrim lo, zeitindah hluttaw a cawlcangh ning zong kan thei lo, upadi zong a relbal mi an tlawmtuk, party policies chim lengmang ko zongah lungfian kan i harh ngaingai rih ko, Ramkhel a kalning tuak ciammam tein mee thlak loin kan mee a vakvai rih ko, timi hi hmuh khawh a si. Kanmah ram ah kan um i kanmah duhmi kan thim hna lai kan ti lio ah ramdang lei ummi fanau bia le hla nih nu le pa cheukhat lungthin a tlaih i fa le duhnak men le ramdang um chimnak ah mee a pe mi kan um rih, Kawlram ah a um thimnak election kongah ramdang in rak holh tuk lo ah a ṭha tiah ka ruah, freedom of choice kan onh hna awk a si, a mingh chuah phun in chung khar a tuahmi kan tam zia kha a lang ngaingai. 

Thimnak ah a cuh ve mi candidate kha biahal awk taktak hmanh kan hngal lo, zeiruang dah a si, ramkhel kong, cozah a kalning kha mipi nih kan hngalh bak lo ruangah a si ko. Cucaah Laimi nih ramkhel tiluan, hluttaw cawlcangh ning, uknak a kalning, a cozah nih zeidah an tuah timi kha kan theih cikcik a hau i theih duhnak lungthin kan ngeih a herh bak tiah ka ruah.

Bia Donghnak 

Election campaign vah lio ahhin velhle lawng tein i phomh a rak si zia kha a lang ngaingai, Party pakhat nih khuakhat tonbiaruahnak an tuah cio tik ah mipi an bialeh an tuak tik ah kan ṭha ko tiah an i ruah i kan tei hrimhrim lai tiah an, cu ticun aa cuhmi candidate le a hawi le zong nih cutin kha tin kan tuah lai an ti cio i, a taktak ah a cang lo mi a tam ngai cucaah election campaign vah hi thimnak ai cuh mi le mipi i hlen hna ka lawhter. mipi nih kan in pek lai ti riangmang in pek lo mi an tam ve bantuk i mee pek mi nih kan tuahpiak hna lai tiah biakamh in tuahpiak lo an hmang ve caah mipi le aa cuhmi velhle in ai phomh mi ka lawhter hna. Party pakhat an chuak, kanmah mi lawngte an si an ti nain cu bia a chimmi kha, hlen a tongmi an tam luakchuak. Kanmah kan vahnak zongah hmur kaa ṭha he a kan kirter ko nain a tak a chuah ah a kan hleng mi khua hnih khat cu an si, an khua cu ka ṭial lem lai lo.

Abiapi bak tiah ka ruah mi cu, zeibantuk phunghram hmanh kawlram i a ummi cu state kip nih kanmah le chuahpi mi, kokek holh te in kan ngaihdih a herh hrimhrim ko ti hi a si, a cozah bu um tuning le rianṭuan ning kan hngalh hlan lo cu mipi kan vaivuan lengmang ko lai, a hlei in mino nih phunghram kan reldih a hau..............

Ka Pa zong a din ve ko

Palung pi::Pa lung ziah, na nu hnuk cu na din lengmang rih e, nau te na ngeih cang kha na nau caah chiah piak ca, na nau na zaang faak lo maw, din awk a ngei ti lai lo kha 

Pa lung::Ka pi ka pa zong nih pei adin piak ve  lengmang ko cu.. L0L..

Goliath le Samson hi Single tein hodah aatei hnga

Rev. Zen Dul:: Khah nihin kan cawn mi chung le bible he aapeh tlaimi nan fian lo mi ka hal uh.

Zutama Khupte:: Saya Zen Samson le Goliath kha single tein cheih hna seh law zeidah aa tei hnga?

Zutama Pahnok:: Ka dua theih lo an si ko, kei cu samson bak ka seihchiah deuh, 
Khupte:: Pahnok dai ko Goliath nih a tei ding cu a techia ko cuh,

Rev. Zen:; Nan mah pahnih ah hodah aa tei?, a ti hna i a ṭhuat ter beh hna, crusade tuahnak ah khupte cu a hnarthi chuak i Pa hnok a mittlang tlek ve, cu hnu ah an ṭhen hna i Rev. Zen nih Samson le Goliath kha aa tluk bak te an si......tiah a leh hna.... LOL

Salm 117 Hrilhfianh Tawi

1 Miphun vialte hna BAWIPA cu thangṭhat u! Mi vialte hna, amah cu thangṭhat u! 2 A kan dawtnak fek cu a ṭhawng i zumhawkthlak a sinak cu zungzal in a hmun. BAWIPA cu thangṭhat u..

Hrilhfianh::Miphun vialte nih BAWIPA an thangṭhat nak hnga kan thangṭhat a herh, BAWIPA cu Miphun pakhat ca lawng si lo in Miphun Vialte caah BAWI a si zia kha a chim duh. Pathian Dawtnak nih cun zei miphun poah a huap dih zia kha hmuh khawh a si, cucaah miphun vialte nih Pathian an theih khawhnak hnga, a hngal cangmi nang le kei cu ṭuanvo pek kan si, cucu Kan mah thawngin miphun vialte nih pathian an fuh panh khawhnak hnga thangṭhat nun in, dinfelnak nun in, zohchuntlak nun, Kharihfa kan sinak langhter in Miphun dang sin ah nun kha a si, Cucu Mission ṭuan kan ti lengmang mi cu a si ko..Rome 15:11 ah zoh chih...

Note:; BAWIPA timi le bawipa timi aa dang, BAWIPA tiah a ngan in ṭial tik ah Yahweh, Israel Pathian, Abraham Pathian, kan nih vialte kan Pathian, Van le vawlei sertu kha chim duhmi a si...

Hi salm hi a tawi bik mi hla a si i kan bible ah a lai fang chapter zong

History of Pentecostalism in India, Focusing on Kerela

Introduction

The prime focus of this paper is to describe a brief history of Pentecostal movement or Pentecostalism in India with special focus on Kerala Christian community in the early 20^th century. However, the research will also deal with some of the important works done by the western missionary such as Robert F Cook and George Berg. Since the sources and Pentecostal writing has been less in the library, the research will refer website sources and this paper would mainly focus the history rather than others issue.

1.      Origin of Pentecostalism

The modern Pentecostalism movement was started by a charismatic revival as early as 1901 in Topeka, Kansa. However, April 1906 is generally credited as the beginning date for the modern Pentecostal Movement. On that date at the Azusa Street in Los Angeles, there occurred, an outbreak of speaking in tongues. Charles Fox Parham and William J. Seymour, a white and a black respectively were monumental figures in Pentecostalism around whom the Azusa Street revival evolved. Parham and Seymour developed the doctrine that speaking in tongues was the evidence of the baptism in the Spirit. Most of the scholars credited Charles Fox Parham as the founder of the Pentecostal Movement, the founder of the Bethel Bible College at Topeka in Kansas City. He encouraged his students to discover the biblical teachings on baptism of the Holy Spirit and the exercise of the spiritual gifts. From the Azusa Street revival in Los Angeles, Pentecostalism spread rapidly around the world and began its advance toward becoming a major force in Christendom.[1] Since our focus is India I will left the detail history of Pentecostal movement here, and move forward to the India Pentecostalism.

2.      Pentecostalism Movement in India

According to Gary McGee, the eminent historian of Assemblies of God, Pentecostalism had already established itself in India long before word of Azusa reached the subcontinent. He validated by showing the documentary evidence that Pentecost, with all the associated phenomena, came to Tirunelveli and Travancore (South India) long before the Azusa revival. The powerful revival was witnessed in the second half of the 19^th century in the following years first in 1860, second in 1873 and third in 1895. People experienced the outpouring of the Holy Spirit and speaking in tongues in all these revivals though the recipients did not know that they were experiencing Pentecostal power as taught in the book of Acts.[2] Another incident was witnessed in 1906 at Pandita Ramabai’s Mukti Mission in Maharashtra, in which young women baptized by the Spirit had seen visions, fallen into trances and spoken in tongues, began before the Azusa Street revival; there is no indication that this was precipitated by events in Los Angeles. According to various authorities as stated by Roger E. Hedlund, Pentecostalism in India has its roots in Maharashtra at the Ramabai Mukti Mission. The Mukti Mission revival was understood by Ramabai herself to be the means by which the Holy Spirit was creating an independent Indian Christianity. However this does not mean that the Azusa revival had no impact on Indian Pentecostalism.[3]

3.      Short History of Pentecostalism in Kerala

Indigenous Pentecostalism in India first emerged from the Syrian Christian community in the state of Kerala. Its History is very much tied to the history of Christianity in Kerala. Christianity in Kerala claims its origin in AD 52 when the Apostle Thomas arrived and preached the gospel to Jews and the native high caste Bhramins. In addition, there were evidences of migrations of Christians from Syria in the fourth century and the eighth century to Kerala. However, there was an ancient Christian community in Kerala which claimed its ecclesiastical allegiance to the Syrian Orthodox Patriarch in the Middle East. The community, though now divided into two factions, one in allegiance to the Patriarchate in Damascus and one in India continues in the same ecclesiastical and liturgical traditions. [4]

The three stalwarts of native Pentecostalism in Kerala and host of their leaders and laymen came from this community. Pastor K. E. Abraham co-founder and President of Indian Pentecostal Church until 1974 were raised in order to become a Syrian orthodox priest. Another co-founder, Pastor P. M. Samuel, and the first President of Indian Pentecostal Church of God received training to become an Orthodox priest in their seminary.[5] And another founder, Pastor K. C. Cherian, was a teacher in the church-run school and active in the church activities. The Syrian Christian community had recorded instances of revivals since the second half of 19th century. Edwin Orr describes how, as a result of these revivals new groups professing evangelical faith emerged from among the Syrian Christian community. The first was the reformed Syrian church called Mar Thoma Church and then a movement called Viyojitha Prasthanam (literally translated as the Separatist Movement) which can be rendered as the Holiness Movement. One stream of the Holiness movement under the leadership of noted Malayalam poet K. V. Simon ended up in the Christian Brethren and the other led by K. E. Abraham in Pentecostalism later..[6]

K. E. Abraham, a leader in the Holiness movement who had been in alliance with Church of God (Anderson) was baptized in the Holy Spirit in April 20, 1923 in a meeting held by some native believers who believed in the baptism of Holy Spirit and tarried for it. This is a turning point in the history of Syrian Christians in Kerala.  The following years saw a great number of prominent Syrian Christian leaders embracing Pentecostal faith. K. C. Cherian, another school teacher and a former colleague of K.E. Abraham joined the folds of Pentecostals in November 1924. P. T. Chacko became a Pentecostal believer in 1925 while he was a college student. Pastor K. E. Abraham was leading a denomination called Independent Separatist (Holiness) Church since 1918 but was deserted by most of his followers for his doctrinal position on the Holy Spirit. He founded the South India Pentecostal Church of God with the "faithful remnant" of his group who stood with him. In 1924 the Syrian Christian leaders who have been working independent of each other formed what was known as the South India Pentecostal Church of God (SIPCG). This can be considered as the first indigenous Pentecostal denomination in India, now known as the Indian Pentecostal Church of God.[7]

4. Arrival of Western Missionary

Kerala Pentecostalism is one of the powerful spiritual Christian movements that originated, developed and spread in Kerala. Pentecostalism was established in Kerala at the start of the 20th century. Indigenous Pentecostalism in India first emerged from the Syrian Christian community in the state of Kerala.[8] The fact is that the movement of Pentecostalism in Kerala was motivated by the western missionary.

4.1. George Berg and His Mission

The Pentecostal message from the West arrived in Kerala in 1909 through the visit of George Berg. This American missionary of German descent arrived in Bangalore in 1909 and preached in a convention in Kerala. The first Pentecostal congregation was formed through the efforts of Berg in Kerala only in 1911; this was among first generation Christians. Berg was the first missionary to reach out to the natives who did not speak English.[9] Thereby, he is considered as the first Pentecostal missionary from the west in the beginning of 20^th century. However, Berg main mission work in Kerela was preaching the gospel of Jesus Christ and spreading the idea of Pentecostal and experience in the Azusa street movement.

4.2. Robert F. Cook and His Mission

In 1913 Pastor Robert F. Cook also came to India as a missionary. He came to Kerala and began his ministry there in 1914. By 1923, Cook had established 36 churches in Kerala, known collectively as the South India Full Gospel Church. Pastor K. E. Abraham, who was associated with Pastor Cook until 1930, was baptized in the Holy Spirit in 1923, an event considered as the foundation for the establishment of the India Pentecostal Church of God.[10] The first task of Cook was to organize the prayer groups. In January 1914, after a four days revival, Cook could baptize sixty three converts at Thuvayoor, resulting the establishment of the Pentecostal church in India. Having an Apostolic ministry, Cook established various churches in Kerala. As the church began to grow in number, Cook established Malankara Full Gospel Church. In 1922 Cook began a home Bible School at his residence at Villakonam Bungalow, Thrikkannamangal. This institution is considered as the first Pentecostal Bible Study centre in South India. Meanwhile, the residence of cook was shifted from Kottarakkara to Kallissery (1924) and subsequently to Mulakuzha (1927), Chenganoor.[11] As a home Bible School the study Centre had been shifted to Kallissery and consecutively to Mulakuzha. Bertha Cook was the first principal of the school. In December 1923, first general convention was held on the banks of river Pumba at Arattupuzha. This convention is considered as the first General Convention of all Pentecostal Churches in India, because at that time all the Pentecostal missionaries and native leaders were united together under the banner of Cook’s independent Pentecostal Organization. In 1926, Cook published the first Pentecostal monthly named, The Full Gospel Preacher, to which Cook served as editor and Rev. K. E Abraham as the sub-editor.[12] Robert Cook was known as the Missionary to Dalits because his main concentration was among the Dalits.

Conclusion

The idea of Pentecostalism could have been found before arrival of western missionary in India that is from the experience of Pandita Ramabai through Mukti Mission in Maharashtra, and also the experience that seen in the movement of Tirunelveli and Travancore in the year 1860, second in 1873 and third in 1895. However, we could mentioned that this movement does not last long in the history of Pentecostalism in India, the root of Pentecostalism in India has only firmed after the arrival of the missionary from Azusa street in the Kansas City of United State. Pentecostal movement is one of the significance title in the history of Christianity in India as well, thereby it is importance for us to know about the history in order understand the Pentecostalism in India.

Work Sites

John, Simon Karingottazhikathu. The Origin And Development Of The Pentecostal Churches Among The     Dalits In Kerala. A Critical Evaluation Of The Missionary Methods Of Robert F. Cook (1913- 1950). South Africa: Submitted in fulfillment of the degree of Master in Theology School of      Religion and Theology, University of KwaZulu –Natal Pietermaritzburg, South Africa, February         2005.

https://www.academia.edu/8731451/The_impacts_of_modern_Pentecostal_or_charismatic_movement_a            mong_the_Dalits_and_the_tribal_in_India Access on September 24, 2016.

http://studymoose.com/pentecostal-movement-its-impact-among-the-dalits-and-tribal-in-india-essay             Access on September 12, 2016.      http://www.revolvy.com/main/index.php?s=Pentecostalism%20in%20Kerala Access on September 25, 2016

http://agapepartners.org/articles/23/1/The-Keralite-Pentecostal-CommunityThe-Past-and-the- Present/Page1.html Access on September 25, 2016.

http://www.revolvy.com/main/index.php?s=Pentecostalism%20in%20Kerala, Access on September 12,       2016

http://ipc.international/history/ Access on September 24, 2016

http://www.pctii.org/cyberj/cyberj10/paulson.html Access on September 12, 2016.

http://thelordsark.com/india-headquarters.html Access on September 24, 2016.

---

            

Ka Dawt Mangṭha

Ka lung ṭha lo, ka sia rem lo
kaa nuam bak lo, ka ruah rem lo
ka lung monmaw, ka mit a maw
ka lung aw ṭawn, ka me rem lo
ka ngaihchia pah, kaa ngaichih pah
ka theithiam ko, i hnek ṭha lo
kan hmai lei kong, ka ruah zawn ah
kan si kho lo, ti khi a fiang
kan rak dawt ko, kan rak tlaichan
kan rak ham ko, nain a tu cu
kan si kho lo, ti ka hmuh ah
ka bei a dong, ka lung a dong
kan si kho lo, kan ṭian ṭha ko
kan tuanbia dih, kan nehnang lo
ka philh cang ko, kan philh ve lai
ka ngai thiam ko, kan ti lai lo
kan dawt mangṭha........

Ngahring Dawi

Ngahring kan dawi, tilung kan dum

kan tlaih ngapum, lungkep ngaikuang

kan dap soksol, le buh cak kheuh

kan tlaih chom in, uibawm chung ah

kan sanh hna i, chuncaw meh ah

hnarcheu kan chuan, i kan i hrawm

biasawng tlorh in, biaphawng kan deng

tiva thluangthluan, nih he kheh he 

capo sai in, caan kan hmang hna

a nuam ka ti, Khuptthi rual hawi

lenti hna he, laitlang Zophei

ram i um mi,Thanghor va i

ngahring dawi kha........

Joke Collection

1. Salai Zendul Riansok lio Interview .

Hello,Mr Salai Zen..

Q. Hruaitu dirhmun lei he pehtlai in Zeibantuk rian dah na rak ttuan bal?

Ans: Bu pa hnih thum ah cun Admin ka ttuan bal ko.

Q. Nan khua ah ma, nan church ah ma, Political party ah ma?

Ans: Si lo.

Q: Si cun khuazei ah, zeibantuk bu ah?

Ans: Khua mino group facebook, Viber, le whatsup chat groups ah admin ka ttuan bal tibia.

2. Pa Hnawk pa biahalnak..

Q. Pa Hnawk pa Fa pazei zatdah na ngeih ?

Ans: Pa li/4 an si..

1st engineer 

2st MBA

3rd Ph.D

4st nak cu a fir. thief

Q. Ziah pa 4nak a firmi cu na fa chung in na hlawnh ko lo.

Ans: A ze a zei hlonh bia dah na chim amah nihcun pei a kan cawm cu a dang pathum cu rian an ngei lo... palinak pa um hlah sehlaw ei lo kan thi cang lai...........

3. Riansok Interview part 2!!

Mr. Zendul, nan Zung/office na chuahtak i ziah kan kan zung ah rian na rak sok tthan ning si?

Mr.Zen Ans: ka chuahtak bia si lo eh,! Bawtor hna kan Zung/office hmundang ah an tthial le an tthialnak hmun ka thei ti lo hme cu. L0L

 4. Nu Va Biaruah.

NU. Kan pa zeitluk in dah na ka dawt ka chim tuah.

Pa:  kan dawttuk ko kan nu kan dawtnak hi zeihmanh in tah khawh si lo

Nu: Chim ko plz........

Pa, Keimah hi phone sining law nang hi sim card na si, nangmah lo cun ka um kho bak lo

Nu: kailawmh ning cu kan pa, kan dawttuk, kan duhtuk tuk, muahmuah,

Pa: Bawipa kailawm tuk ka nupi nih tuluk phone simcard pathum khumh a ngahmi bantuk ka simi a ka thei lo...

 5. To/

Pachup nu le pa nan fapa a rimchia tuk thiang tein rak kholh uh

pachup pa-- Dear saya, ka fa fapa pachup cu rose pangpar ah ma na rel rak hnim len hlah ca tu rakchim. lol

6. don'r fall in love, fall of Bridge it hurt less

7. Dont break someone's heat, they have only one, break their bones, they have 206.

8. Boy Please give me a kiss babe

Not before mariage dl

boy, don't worry babe, i am already marriage

9. What Exactly is happiness means for u Mr. Herhhuai??

Herhhuai.. Happiness is seeing my ex gf with some one uglier than me.....

How about Sorrowness.

it is when i' m ready to go out but my phone battery remain at 10%...

10. Mr. Zendul PhD Graduation speech 

Ladies and gentlemen, First and foremost, I would like to express my deep gratitute and special thank to Internet, Google, Wikipedia, and web Browser such as Google Chrome, mozila firefox and Oppra Mini also microsoft office, especially i would like to extend my deep and heartfelt gratitute to PDF format and Copy Paste system....THANKQ 

11. Hi Cungpi, I need your expert opinion regarding the relationship between me and my girf friend.

Hey,, dude plz don't ask me for relatlionship advice, I am still single that i promote break up and support Breaking only.

12. Many people are finding  soulmate and bedmate now, But i still can't find even a proper downloader for 

10. Chan Aithlen ning Phun khat..

13. 1990 minung nih thlalang awng kam ih rumro kan duh, thlithiang kan ngah lengah a ceudeuh kan ti kan rak i cuh,,

2015 minung nih Socket kam ih rumro kan duh moble charge pahnak ttha tiah. 

14. Nihin kan chan hi nuva karlak ah dawtnak a leng kho ti lo, kan i duh bak ti in tthit umnak zong tuah hnu ah cheukhat cu nupi le nih hair dryer ka chanta ti lio ah pistol chanh a duh mi an tam tuk cang..

15. Phaisa ka ngeih lo lio i dawr ah ka kal hin thil aadawhmi ka hmuh khun ta aw.

16. Modona cu kum 55 a si ah a tlangval pa cu 22 a si. 

Cubantuk in Tina Turner cu 75 a si ah a tlangval pa cu 40 a si

Cubantuk tthiamtthiam in Jlo cu 42 a si ah a tlangval pa 26 lawng a si

cubantuk tthiam2 than in Mariah Carry cu 44 a si nain, a va pa cu 32

Cucaah DL ka ngeilo tiah lungrawh awk a si lai lo, na dl ding hi  a chuak rih lo i si kho men, ruahchannak ngeih cio ding si Lol

17. Ruahning in thil a kal lo caan, 

Nungak nih bus in khual a tlawn ahcun tlangval pawngah ka tthu te men lai tiah ruah cio a si

cu ve bang Tlangval zong nih nungak pawng tthu ding phun in kan i tim ve

a taktak ahcun Nu ter le pater, motor rit a hmangmi pawngah kan ciah ttheu tawn.

18. Nuu le Paa sinah a dik mi pahnih,

Nuu cu keimah tinak lungput nih a tthen hna nain mi kongceihnak nih a fonh tthan hna

Paa :: nungak ruangah kan i tthen i zu nih a kan fonh tthan.

19. Teacher:: Tell me three tense with examples??

student:; I saw your daughter yesturday (past).

We are in Love now (present).

we will run away tommorow (future).

20. zeitin dah si an block ning pachup.

A status ah Happy CND ka ti 

Nangzong a ka ti

Tlawmpal a rauh hnu ah kan duh tiah ka edit tthan le a ka block ko hme cu

21. A thau mi he komh a tthatnak,

Harnak ton i tlik a hauh tik ah hna a ngam kho tuk, tahchun nak ah uico hna nih seh in a kan dawi caan, vom hna nih dawi caan khin a kan khamhtu cu kan hawi le a thau mi cingcing an si.

22. Nungak aadawh minih vun chat, tlawmpal vun chat ah biadih, biaruah dih lai le sian lo chat awk le hngalh lo khi a fawi loh nan ti cio maw.

23. A caan ahcun Saya te nih period zakhat a kan chimh mi nak in kan hawi le nih Exam khan i minute pakhat a kan chimh mi khi hmual ngei deuh tawn rua ka ti koKa facebook friends pawl hi ka zoh tawn hna i a tar he a no he an chuah kum 1998 tang lawng te an si cang facebook hmang mi ahhin keimah hlah maw tar bik cang tiah kai ruah lengmang ko LOl

24. Ka pi ka pu hi zan khat ah voi zeizat dah a thawh?

Api:: Hawi hna cu na ka hal na hrut ma zendul, zei ruangdah na ka hal?

Zendul:: Zeilo news ah chuah ka duh i si LOl