Ka Khen Lunthlitum

"Ka Khen Lunthlitum"

Ka phai tawn na kong, ka rual hawi sin ah

mitsir in kan ven, na len hawi lak ah

na aanka theih zong, ka rak cim hrim lo

na biangki sen nih, ka mit a hui dih

kan rak tlaihchan ning, na hngalh lo kar in

kan hmuh ka tein, dawt hram kan rak thok

lung nih cun a phuan, hmur ka bel a taang

phuannak ding caah, caan ṭha lawng kawl in

nithla ka rel tawn, hmanhseh tu ahcun

cung zingnu khuakhan, lairelnak thawngin

hawikom in dawtnak, dawtnak in duhnak

lei ah kar hlang in, caan kan rel ṭi cang

lungthlitum ka khen, dawtmi na sin ah.....................

Zuunngaih

"Zunnngaih"

A king zanṭim, firuk deirel

chuak in zan cu, lawm zal cang hna

a thiangmi van, a dum khun i

zilthli hrang nih, ka dawt rimhmui

a vun ka phorh

Ṭimkhuang ar nih, zeihngal lo in

khuan hramthok hna, caan hngak loin

fingrei cah hram, a vun i thok

fingkirkel in, ka lungthin bel 

cu a um rih.

hngilh thin thi lo, ei chung pil lo

an chim zuunngaih, tual a fah hi

tu lawng pei maw, kei ka in tiah

a fak hrim ko, tluangdang hram in

"zuunngaih" tuar hi...........

A Voih Hlah Maw Tiah A Eek

A Voih Hlah Maw Tiah  A Eek

Vawikhat cu ka sianginn kainak lei kalding in kaa tim i, Kalaymyo lei in kal tuahning tiah zingka suimilam 6:00 AM ah Bus in Kalaymyo lei ahcun kan i thawh, Kalaymyo tlawng ve ding in tarnu le a tunu kum 10 hrawng te ka hnu lei deuh seat ahkhin an tthu ve, Tlangzar phanh lai te ahkhin ka hnu a tthumi tarnu te nihcun a voih thangnawn te khin (pip/pep/) tiah ai thlauh/ceh i upa sicang i kan nih a chuak cio lem lo, a mawh lo pi tar hnu motor cit har thlakthlak he kan ti cio. Tlangzar cu kan vun phan i zingrawl ei ah kan ttum cio, tarnu le a tunu te cu a hnu cariak nawn khin an rak ttum ve i, mipi pawl rawl einak hmai an phanh bak khin tarnu te nihcun a ruahawk ah hngar lem lo khin,, a tunu te cu, Aii nu te a tunai kha ka voih hlah maw si ka ti cu ka eek hme ka rak i ceh vial ko hi a vun ti cu... niih ah niih ngam theng lo in motor aacitmi vialte cu kanmah le kanmah kan i zoh, kan khuaruah har ve cio ai,,,,,,,,,,,,,,,ai capo hlah maw ka ttial tiah biatak hme si ko hi ti awk in ka um ve ka cattialmi ka rel tthan i ka nihchuak lo .................

Kei cu 360 Camera Hman hi a Poi ah Ka Chia Lem lo

Kei cu 360 Camera Hman hi a Poi ah Ka Chia Lem lo

Laimi ramchung ramleng ummi nungak tlangval hi zatuak hnarcheu uak cu facebook le social networks dangdang, Instangram, twitter, Viber, Line, Oovoo, Whatsup, Wechat, tango, snapchat etc.. a hmang kho mi lawngte kan si ve cang ko men lai dah, hi vialte social networks pawl hi pakhat le pakhat i pehtlaihnak le kan mui i hmuhnak ah tiah hmanthlak tarnak ah sermi an si ticu elawk ṭhalo a si ko. Lainu tamdeuh le laipa cheukhat nih 360 in thlakmi an hmanthlak le photo editor in edit mi effects tampi ṭamhmi pawl an vun i tar tik ah a dawh zong an i dawhdeuh i zohnuam deuh ngai zong a si ko mi kha, micheu khat nih 360 in an thlak eh 360 thawng in an i dawh le si eh, 360 hna hi cu hmanding si lo eh, tabawah te hi ṭha ko eh, hmanthlak hna edit ding si lo eh tiah a mah duh carei in upa lung fim a si ko mi zong a zaimi laimi chungah kan tlawmte lo. Chantiluan a thei ngai ko hlah maw, mifim tleng hlah maw a si ko timi hna zong a zai mi an rak um ve hoi, an zai ve awk cu a si ko, minung cu mah le ruahnak cio kha a ṭha le ahmaan bik tiah a pom dih mi lawngte kan si caah a ṭha lo in an hmuh ve caah an zai a si lai tikhi theihpiak thiam khawh an si ko nain kei cu zai awk ah ka ruat lo i thapek awk zong in ka hmu lem lo.

a Color aa dawhdeuh tuk teh lol

Aruang Cu

Zoh uhlaw kanmah laimi nak in a pumrua tungtai, a samthlai a rem deuh i a muisam zong aadawh deuhmi, a taksa vuncuar(skin) zong a var deuhmi vawleicung lengdawh India, Westerns lei hollywood actress and actors, hlasak thiam minthang le muidawh tampi hna hmanh hmaan an i thlak ah 360 camera cu chim lo photo editor special, free in hman khawh a si lo mi pawl an hmang, effects phuntling in an ṭamh, Camera hmanh ahcun len camera Nikkon, Canon, Sony, Sumsung, Panessonic, etc man faakfaak, minung mui a remh kho taktak mi camera lawngte an hmang, cu hnu hmanh ah, white balance, tint, saturation, fade, etc a phunphun hmang in an ṭamh, a ruangcu i dawhdeuh usih, milung la kho deuh usih, kan taksa tal hi hmanthlak ahcun duhnung deuhseh ti saduhthahnak he an hmaanthlak an ṭamhmi a si ticu elawk ṭha lo a si. 

Kan mipum tal kan i dawh lo kan hmanthlak tal cu a dawh khawhchung dawh in kan ṭamh ve awk a si ko, hmanthlak chung lawngah ai dawh i a leng ah a dawh lem lo tiah kan phai hna zongah a leng i aa dawh lo tal ah hmanthlak chung tal ah an i dawh kha thilṭha ngai a si ko, 360, photo editor, effects pawl zong cu a sertu company nih hman lo awk ah an ser lem lo cu awh an ser ruangah le an sermi poah kan hman hrimhrim awk a si tinak silem loin hmanding a si ko tibia mu, 360 nih mi a hleng thiam lo nungak kan duhmi hna le tlangval kan duh taktak mi hnacu an hmanthlak hmuhnak lawng cun kan ṭhi i kan vat hna lo ding cu aa thei ko cu mu, Plastic sugery te hna i tuah bel te a leng lei in i dawh tuk ko nain te fa vun ngeih tik ah tefa mui ah a lang i a ṭha lo tiah sual phawt a phu mi cu a si.

zeitluk indah a zoh nuamh lol

Cucaah

Kei cu 360 camera le editors, effects pawl hman hi soi awk ah ka ruat lem lo, mui le hme a remh leng ah rong/color tiang a thlen khawh i lai nungak uar an um deuh, duh an co deuh lehlam ka ti, hmanthlak ah an i dawhdeuh i an lung a tlin an taksa hna a var deuh ahcun a tak zongah thian hlimhnak le style lak hna an thiam deuh leh-lam, 360 leng khin 370/90/3000 tiang hmanh chuak sehlaw hmang peng ko hnaseh ka hei ti ko, an hmanthlak ah an lung a tlin i an ruahnak an lungthin halha a zaan deuh hmanh zeitlukpi a si. Cucaah kei cu lai nungak le tlangval cheukhat pawl nih 360 camera in hmaan an i thlak i editors le effects tampi cawh (mix) in an hmanthlak an edit mi pawl hi a poi ah ka chia lem lo i pro 360 zong ka si hlei fawn lo i anti 360 zong ka si lem lo. Hihi mah le ruahnak cio zong a si i mah le lungwah cio tiah kan ti lengmang mi cu a si LOL.

360 

3000 camera hmanh hoi dang nih an hman lio ah 360 tal cu hman khawh ve ah a ṭha ko lo maw? LOL

Zabu 21 hi Laimi Kan Renaisance a si Ko hlah maw?

 (hawi le hna ka blog ka sianginn kainak he pehtlai in manh lo ruangah ka blog ka ṭhinhnak a sau ko cang i tutan ah saunawn tein capar keimah hmuh ning ka vun, ṭial i lungsau te in vun rel te uh tiah kan sawn hna, tuhnu cun capar le hmuhning dang tibantuk thlah khawh ka rak zuam lengmang cang lai, len kai khawh ka zuam lengmang uh )

Zabu 21 hi Laimi Kan Renaisance a si Ko hlah maw?

Biahmaiṭhi

Renaissance timi biafang hi laiholh tein seh kan leh tuah ti ahcun, i hrimṭhan, i tharchuah ṭhan, kan nunphung siamremh ṭhannak, caholh le fim thiamnak lei in ṭhancho, kan zatlangnun siamremh ṭhan tibantuk kha a chimduh mi a si. Biafang sullam nak in a tuanbia in a kal mi a si caah biafang aathoknak le zeikum ah dah english nih hman hram an thok tipawl cu kan ṭial lem lai lo. European history kan zoh tikah zabu 14 in 17 karlak kha a bik in Renaissance period tiah koh/auh a si. Italy in aathok ti kha tuanbia rel tik ah hmuh khawh a si i zeiruang ah dah hi zabu 14 in 17 tiang hi Renaissance an ti hnga timi kha theih/hngalh kan herh mi cu a si. Aruang cu hi caan hi minung ruahnak a vun i thlen caan, caholh, fimthiamnak le nunphung he pehtlai in siamremh ṭhannak le a lamkip in ṭhancho lam panh caan a si, minung hi kan biapi bik ko timi ruahnak te hna le a dangdang thlennak tampi thil a can caan a si caah kan i thleng, tharchuah, a thar in hrinṭhan kan si tiah ruah a si caah renaissance period tiah an auhnak hi asi. Cubantuk cun India zong nih zabu 19 hrawng hrang i mirang ca lei in an ṭhancho, ruahnak lei in siseh an nunhpung ṭha lo an doh i hlauh i zuam, mivialte hi kan i tlukdih ti in phun thlaidennak te hna biatak tein doh hram an vun thok hrawng kha India mi kan i thlen, kan ṭhancho, kan i hrimṭha tiah ruahnak he Indian renaissance tiah an auh/koh ve nak asi. European and Indian adangdang renaissance hna hi piangdeuh in seh kan ṭial ti ahcun relcawk lo a si ko hnga, nain kan ṭial chin lengmang ahcun a sau tuk lai caah fiang hua ha lo in lanhtak rih ko usihlaw kan tlangtar leitu ah i mer phot hna usih.

Zeiruang ahdah Zabu 21 cu Laimi Kan Renaissance kan ti khawh?

1. Caholh (literature) Lei in

Pu Ngaih Ling thawngin A. G. E Newland nih laiholh le laica a thiam i Hakha holh cu Roman alphabet in 1894 ah a rak kan tuahpiak. 1897 ah "A practical Handbook of the chinlanguage spoken by lais" timi a rak kan chuah piak (vanbiakthang: laica holh tuanbia tawi, Page. 1) a si nain cu thok in 2000 tiang zabu pakhat chung ah laimi caholh lei in kan ṭhancho nak ngaingai a lang tuk lo ti khawh a si. Aruang cu lai kutchuak cauk a tamtuk lem lo in a lang. cucaah Laimi caholh lei i biatak tein kan ṭhancho caan hi zoh usihlaw a bik in 2000 kum in 2015 tiang hi a si bik ko. Hi caan chung ahhin biatak tein Laimi kutchuak cauk phunkip kan ngei kho, lenhoi cauk, megazine, tuanbia le cazual dangdang,kan nungphung he aa pehtlaimi cauk phun tampi kan chuah khawh caan a si. Culawng silo Internet/Maivan thawngin Forum tampi kan tuah i kan caholh kongah biaruah khawhnak kan ngeih lawng si lo in maivan hmangin capar ṭhaṭha, ramkhel kong, chan tuanbia, theihtlei, thawngṭha bia, thawngpang le dangdang zong kan relkhawh, caṭialthiam zong laimi chungin tampi kan hung chuak ti usihlaw kan palh tuk lai lo dah caholh lei ah rum hram kan i thok caan a si, kan caholh lei siamremhnak le kan caholh biatak tein kan tunmar caan a si caah Caholh lei in Zabu 21 hi Laimi kan renaissance a si ko ti khawh a si.

2. Fimthiamnak (Education) Lei in

Zabu 20 a dongh lei hrawng tiang vun zoh tik ah laimi hi ram leng cu chim lo ram chung hmanh ah fimthiamnak a kawl mi kan tlawm ngaingai. Zabu 21 lei ah kar kan vung hlan hnu ceo hin biatak tein ramchung he ramleng he fimthiamnak kawl in sianginn ṭhaṭha ah ca kan cawng kho hna, fimthiamnak abiapit zia kan vun hngalh deuh, 2000 kum thok in fimthiamnak kawl ah ramleng lei a kal mi kan kan hung tam ngaingai. Ram innpa, India, Thailand, Philipines, Hongkong, Singapore tibantuk le Europe ram tiang hmanh ah fimthiamnak hmuhduh ah a kal mi kan tlawmte ti lo ti lo. Thailand le Singapore kal tamdeuh nih secular an cawnlio ah India, Philipines le Hongkong hrawng kal kho nih theology/bible lei deuh cawn a si ve, Cu ticun an mah le cawnmi cioah Pathian nih thlua a chuah hna i nihin ni ahcun kan Lairam ah Secular lei M.A, Ph,D le Bible lei Doctor, theologian, politicians, scholars hi an hung karh deuh ngaingai, cubantuk cun ramchung um laimi fimthiamnak lei ṭhanchonak kan hun hlethlai tik ah, 2000 kum hnu in MBBS Doctor, Lawyers, physicians, botanists, historians, poloticians zong tampi an vun pawt duahmah ve. Hi nih a langhter mi cu Laimi hi Fimthiamnak lei zongah kan i tharchuah, remhṭhan, kan hung ṭhancho deuh rumro i kan renaissance ngaingai ko ti a lang.

3. Information Technology lei ah

Aluancia zabu 20 chungah ramchung cu chim lo Ramleng um laimi hmanhnih computer le internet biatak tein tonghtham le hman a si rih lo ti cu hmuh khawh a si, zabu 20 chungah cun ramleng chuak laimi zong cu kutdong rel khim taktak lawng an rak si. Zabu 21 lei ah kar kan vun hlan hnu ceo in Ramchung, Ramleng um laimi nih biatak tein computer, internet le electronic media dangdang kan tonghtham, hmanhram kan vun i thok hi a si. Nihin ni ahcun biatak tein IT kan hmang kho i IT lei thiamsang zong laimi chung in tampi an chuak kho cang. Vawleicung thiamsang nih Electronic media & Devices phunphun an chuahthar mi tiangin in laimi nih kan tonghtham khawh i kan hmanthiam ve cang. Kan vawlei pi he a tlakin le a chan hoih in an chuah mi social networks phunphun zong, a chuak chom in kan hmanthiam dih ve cang. Electronic media hmang in pakhat le pakhat i pehtlaihnak zong fawi te in kan tuah khawh yahoo, gmail, facebook etc hmang in groups a phunphun le page phun kip kan ser i pakhat le pakhat kan i pehtlai kho hna, facebook groups le page le bang cu milu hoih in tuak ahcun laimi hlah maw tambik kan ngei lai ti awk in kan um. Cucaah Zabu 21 hi IT lei in ṭhancho hram kan i thok, IT tidil ah lio hram kan i thok caan a si caah IT lei zong in laimi kan renaissance a si ko ti alang.

4. Thlarau Ṭhanghnak (Spiritual Awakening) lei in

Lairam vawlei ah Kharihfa cawnpiaknak a phanh hi kum 100 fai a si cang nain zabu 20 chung hrawng kan zoh tik ah thlarau lei cawlcanghnak, zumhnak lei cawnpiaknak nih biatak tein hmun a laknak hmuh khawh a si tuk lo, Bible thiamsang le evangelists zong an rak tlawm ngaingai. Zabu 21 lei ah kar kan vung hlan ceo in Laimi chung in evangelists, Bible thiamsang le thlarau lei cawnpiaktu saya tampi an hung chuak, Crusade le camping an kan tuahpiak i thlarau ṭhanghnak le kharihfa kan zumhnak hrampi taktak cawnpiak nak an vun kan ngeih khawh i laimi thinlung ah Pathian kan biakning tampi a kan thlen, zumhnak lei theihhngalhnak le thlarau lei ṭhanghnak tampi a kan pek i nihin ni ahcun cawnpiaktu nak in cawnpiak mi nih Thiangthlarau rianṭuannak le zumhnak kong an theihdeuh cang hlah maw ti awk in kan um. Cucaah zabu 21 ah karhlan kan vun thok bak in kan zumhning dan zong kan i siamremh deuh i kan i tharchuah, biatak tein ṭhancho hram kan vun i thok ti khawh a si caah thlarau lei le zumhnak leizong in zabu 21 cu laimi kan renaissance a si ko hlah maw ti khawh asi.

5. Democracy Lei in

Laimi tuanbia ah mirang nih 1895 in pen/uk hram an rak kan thok i 1948 tiang mirang kutang ah kan rak um. Kawlram he kan rak i fonh hnu 1948 in 1962 tiang kha parlimantary democracy in kan rak um i democracy kan tep ve bal kan ti ko nain U Nu biaknak policy ṭhalo tangah kan rak um caah Democracy kan tep ve ti awk ngaingai ah a har deuh in a um. 1962 in General Newin nih uknak a vunlak ciammam i socialist system in ram ukhram a vun thok, rampumpi thilman khahternak hna a tuah i tlawmpal cu thilman a fawi caah mipi an rak i nuam ngai ko a si nain a rauh hlan ah a ruahning bang in thil a kal ti lo caah phaisa hna thah  hram a vun thok ciammam i Dictarship lei ah a chuah ai, ralkap nih uknak nawl vialte cu la dih hna kaw, ralkap uknak chiahru tangah 1962 in 2010 tiang saltan in kan rak tang (Pu chawnkio, Lai miphun thawhkehnak tuanbia, 2014, page 392). Theinsein cozah a vun kai hnu in democracy lam zulh hram a vun kan thok pi i thlennak tampi an tuah len.  2012 January 12 ah CNF le Chinram kulh cozah Hakha khua ah remdaihnak khua an khang ṭi i CNA lai ralkap pawl zong ramchung ah um hmun an khuar i ramchung in kan lairam biatak tein runven hram an thok.Laimi zong CNF/A zuamnak thawng in Chin Miphun ni tiah a thar in tuahnak nawl te hna an vun kan pek. President Thein Sein zong voihnih khengte Chinram Khualipi Hakha ah a rak kan tlawng, a voihnihnak Chin Miphun Ni hman pi dingin a rak tlun ah Laimi nih kan herhcem mi le ti hal in kan hal mi Art and Science College le Education College a kan pek. Laitlang ah i pehtlainak lam le sur zong siamremh hram biatak tein Cozah nih ṭuan hram an vun thok. Mipi hna zalawng tein duhlonak le duhnak langhter zong a vun onh i laitlang hmanh ah voitam lak te duhlonak an langhter mi hmuh khawh a vun si. Hakha khua hlawhtling thlacamnak tlang i vailamtung phurding ti in a cozah nih nawl a chuah cang mi hmanh duhlonak an vun langhter ciammam i cozah nih let piak kan si, hi nih a langhter mi cu cozah nih mipi aw aan an ngaih pah ve cang, mipi duhnak kha upatnak a pek pah ve ko ti zong alang, Media lei zalonnak hna bi nawn tein a kan on piak i Hakha post, chinland post le the chin time media etc.. pawl thawngin Laimi ramchung ramleng um kan thawngpang kan i thei kho. Nuhrin covo lei he pehtlai in cawnpiaknak tete kan hun tuah khawh i theih/hngalhnak tampi kan i chap. kan i thlennak a tam lengluang ko, a sau lai caah dikthlir in kan langhter lem ti lai lo. President Thein Sein a kai hnu in, thlennak, siamremhnak le ṭhanchonak tete hmuh khawh mi a um pah len caah Democracy lam kau pi cu kan zulh pi ngaingai lo nain pe hnih thum in a kau mi Democracy lam cu a kan zulh pi, a mah belte a kan zulhpi mi democracy lam a bit deuh caah minung kan i tet ngaingai, kan zaa a long ngaingai rih lo caah kan zulhmi democracy lam cu kauhter deuh cu a hau rih. Cucaah laimi nih Democracy rimru a thar in kan theih ṭhan, a thawtnam kan teh ṭhan, a nehnang kan hmuh chan cu zabu 21 hi a si caah Democracy lei in kan renaissance a si ko hlah maw ti khawh a si.

6. Art lei ah

Zabu 21 hnu ceo hin biatak tein Laimi Art lei ah kan ṭhangcho, kan nunphung ah a tel mi kan laam le hla lei zongah biatak tein ṭhancho hram kan vun i thok a ti usih law kan palh thlua lem lai lo dah. Biatak tein kan nunphung tharchuah hram kan thok caan hi zabu 21 chungah a si ko rua hlaw maw ti'n a lang. Zabu 21 ah karhlan hram kan vun i thok bak in mino hlasak thiam awṭha tampi le ringawn tumthiam zong tampi an rak karh, biatak tein kan bia le hla music hna hi kan nunphung kilvennak ah a biapi ngaimi a si ve ti kan hung i fiang chinlengmang i thlakhat ah zuunhla he Pathian hla album pakhat lengmang cu a chuak ko hlah maw ti awk in a um, i hla lei ah kan ṭhancho i kan i tharchuah ngaingai ti hmuh khawh ngai a si. Mino tampi nih zungmawi lei thiamnak a phun phun thiam hram an i thok, Laimi chung in Myanmar models ah lut i video/films aathlami zong an hung umpah, laimi chung in kawlram melody world hlasak zuamnak hna ah thiamhlei nak laksawng a co mi an hun karh ziahmah, mino nih ṭamhmoih le hrukeih, design, umtu hoihar zong biatak tein thiam hram an i thok lio caan a si. Mino hna nih zummawi lei in ṭhanchonak le an i tharchuahnak a tam lengluang. Hlanlio lailaam cheukhat zong chanthar he atlakning in kan tharchuah i ṭamhmoih hram kan vun thok ciammam i a dawh taktak mi laam ah kan ser khawh, Rawlsawmtuk, Pasawmrel, conglaizawnh te hna lebang cu vawlei cung laam vialte lak ah an dawhbik ko hlah maw ti awk in an um, kan nunphung dawhternak le a ṭamhmoih zia kan thiam chin lengmang. Miphun ni kan lawmh caan ah hlanlio pupa hna nih an rak sunhsak mi thil hlun biatak tein tharchuah khawh ṭhan kan i zuam, art galery hna i kan thilchiah mi zoh tik ah biatak tein art lei ah kan ṭhancho i tharchuah hram kan vun i thok caan a si caah art lei mit in zabu 21 hi kan renaissance a si ko tiah ruah khawh a si. Ṭial lengmang ahcun ṭial awk a tam lengluang lai, a dikthlir tein ṭialdih ahcun a reltu ca zongah rian har a si lai caah hi vial hin ngawl phot rih ko usih law kan biatlang kawmnak lei ah i mer hna usihlaw.

Bitlang Kawmnak

Zabu 21 chung kan luh hnu Laimi kan ṭhancho nak tete kan zoh tik ah a lamkip in kan ṭhancho i a tharchuah lengmang mi (updating generation) chan ning in kan nung kho ve ko tikhi hmuh khawh a si. Alamkip in kan ṭhancho i kan ruahning kan hrukeih zong kan i thlencuahmah lio a si, kan fimthiamnak a hung sang chin lengmang ve tik ah ralrin a herhmi tete kan ngei ti hi kan philh lo awk ah a ṭha ngai mi a si. Minung lungthin le kan lungput hi ṭhancho caan ah hawi philh in harbeo caan ah mi a hlam mi kan si, cubantuk cun kan fimthiamnak a huncho deuh le kan rum i ṭhancho hram kan i thok caan ahhin a kan ṭhancho tertu fimthiamnak a kan petu Pathian lila kan philh tawn, cucaah a ho thawngin dah kan ṭhancho i fimthiamnak hi a hodah a kan petu a si timi ruah bu tein ṭhancho le fimthiamnak kawl kan herh. European renaissance kan zohtik ah minung fimthiamnak le ṭhanchonak kha phorhlawtnak le ruamkainak ah minung tampi nih an hman, fimthiamnak petu le sertu pathian an phirh i minung hi kan biapi bik, zeizong vialte a tuahkho tu kan si tiah ruahnak a hungchuak ciammam i pathian hna a tlak lo caah vawlei ralpi vawihnih khengte a tho, Bomb pakhat nih minung a a ting in a thah hna i vawlei ah daihnak mui a leng lo. Cucaah Laimi zong renaisance period kan um lio, a lamkip in ṭhancho hram kan i thok lio ah kan fimnak le kan rumnak lawng bochan in kan pathian kan philh sual tawn maw timi biahalnak hi i hal lengmang hna usih, a lamkip in kan ṭhancho, kan i siamremh, kan fimthiamnak a karh lioah sertu Pathian a philh mi miphun si lo in a sin tu ah lawmhnak bia a chim kho zungzal tu miphun si i zuam hna usih law hmailei ah Pathian nih a kan cawisan chin lengmang lai i vawlei ah zohchuntlak miphun ah a kan ser ko lai, kan umnak hmun cio ah dinnak ṭanh hna usih, kan miphun sinak hi kan nun in langhter khawh i zuam lengmang hna usih ti'n.

Valentine Day Tuanbia Tawi

Valentine Day Tuanbia Tawi

Biahmaitthi

Ngaknu tlangval tampi cu Valentine Day timi kum fatin Feb 14 phanh lai hi ngaih cio a si, Dawtmi a ngeimi he ngei lo mi he ngaih cio a si, ai duh i ai uar lio mi ngaknu tlangval nih an i dawtnak laksawng kha a phunphun an i pe, cu lio ah tuchan holh in DL a ngei ve lo mi nih cun a uarmi nu or pa kha, Valentine Card si lo le Chocolates, Mutthai, etc.. a pek or a kuat ve tawn, ngaknu tlangval caah tonnak le duh dawtnak hram a thoktu a si i a sunglawi ngaingai mi ni a si, ngaknu tlangval nihcun phaklai ngaih cio lo awk tthalo a si, keimah hmanh nih kai ngaih pah ve mi alo nain ka umnak nih a pek lo caah ngaih awk ngaingai cu ka ttha lo kei cu hehe

Tuchan ahcun zeithil hmanh hi atuanbia le a sullam kherhlai chan a si caah Valentine Day timi hi zeitindah le zeitik in dah aa thok, zei sullam dah a ngeih, timi le Valentine cu zeidah a si timi a tuanbia hi theihttha ah ka ruah i aa thoknak fangfang lawng tlawmpal in ka vun cuk, Valentine day kong hi Xmas tuanbia he ai lo pah ve i an ttialning ai dang dih, a tanglei web address khi kau uhlaw ai dang pat lai cucaah keimah nih a hmanlai ka timi ka vun ttial

Valentine Day a tuanbia hi google search ah kal ahcun sourses tampi hmuh khawh a si, Wikkipedia, personal blog, le website tampi ah an ttial lengluang hna, hi nih a langhter mi cu vawleicung khuaza ramkip ummi nih an rak sunghsak tuk cio mi a si timi a lang,

Here is the Legend!

Claudius II timi mipuar hrang ngai a simi pa Roman emperor (the cruel Claudius) a si lio ahhin, ralkap thazaang a rak herh ngaingai i a ralkap tla ding minung an um lo hohmanh nih volunteer in ralkap ah an lut duh lo raltuk an rak duh lo, cucaah Claudius II nihcun aathawh i Roman pawl hi an nu pi le an Dl hna kaltak an sian hna lo ruangah ralkap tlak an duh lo bia a si ko tiah a ruah caah tthitumnak tuah a rak onh lo, tthit um khawh lo nak dingin phunglam a rakser tthitumnak a tuah hnikmi nungak tlangval vialte cu an puaituahnak ding tiang in a rak cancelled ter dih hna, a fawinak cun ralkap ah lut hnaseh ti duh ah nupi ngeih le va ngeih a rak onh hna lo, a khap!

Cu lio ahcun  Rome khua i tlangbawi a si mi a good Saint Valentine/ Valentinus le a hawi pa Saint Marius nih Claudius nih tthitumnak a onh lomi cu, an hngal ko nain zei ah an rel lo, nungak tlangval aa duh ko mi tthitumnak tuah ngah lo cu tin Claudius II phunglam cu an doh, nungak tlangval aaduh mi hna kha a thlitein tthitumnak an tuahpiak hna, cu tik ah Valentine/nus le a hawipa nih cu ti i a thlitein tthitumnak an tuahmi cu an theih tik hna ah, thong ah an thlak hna i thihdan tiang an pek beh hna St. Valentine thonginn a um chungah, nu ngak tlangval aa duh ko mi um khawhlonak, "Law of Marriage prohibition" phunghram a duhlo mi vialte nih thonginn ah an rak len i pangpar he laksawng phunphun an rak pek, a lung an rak hnemh, cu lak ahcun thonginn congtu pa fanu nungak no te amin ah Julia timi zong nih a raklen ve i Valentine he bia an rak i ruah tawn, cutik ah Valentine nihcun thonginn congtu pa fanu te Julia timi ngaknu no dawh te cu a dawt ngaingai, si hmanhsehlaw Valentine cu thihdan pek mi a si caah a thihnak nikhua nih a neih chin lengmang i a thah a si lainak ding ni AD 269 Feb 14, ni cu a vun phan i zanlei suimilam 3:00 PM ah thah ding a si, pakhat le cheu ah chuncaw khim te in an dangh ta i, chuncaw eikhawh cun catlap le ball pen ka pe ta uh tiah a vun hal hna i a dawt tukmi Julia sin ahcun ca cu a kuat, a cakuat cu ka ttial ti lai lo a ngaihchia mi nan tam lai caah, cun a ca kuat i sender address ttialnak hmun te ahkhin "From Your Valentine" tiah ttial i cucu a Voikhatnak Valentine Card cu si, i cakuat a ttial ni te cu Valentine Day tiah ngaknu tlangval nih phak lai kan i ngaihtuk tawnmi ni a tuanbia ai thoknak cu asi. Cun AD 496 ah Pope Gelasius nih 14 Feb cu St. Valentine philh lonak ni / upatpek nak ni tiah theihternak atuah, or St. Valentine Day tiah athanh, cucaah biatak tein Valentine Day ulh hram rak thok kum cu, AD 496 hi a si tiah a tam u nihcun an lungtling,,.

Nihin Valentine Day Kan Timi Cu

1. Valentine upat pek ni si lo le St. Valentine philhlonak ni a si Feb 14 hi a si

2. Dawtu le adawtmi hna an i dawtnak kha pakhat le pakhat i pekchanhnak in an langhter ni a si

3. Dawtu nih a dawtmi kha, asunhlawih bikni a si

4. Ngaknu Tlangval hna nih an duhdawt mi sin ah laksawng in an feeling an langhter ni a si

5. Ngaknu Tlangval hna nih, an hngahhlang mi ni a si......etc..

Biadonghnak

A cheu nih thonginn congtu fanu te Julia hi nungak no te a si i Valentine nih a duh tiah an ttial, a cheu nih Julia cu hngachia te a si i a pa nih Valentine sin ah fimnak le nunzia dawh i lak seh tiah a thlah tawn an ti ve le so and so khi si, an ttialning ai dan cio caah hin dik tein ttial a har i chuncaw te hna a thih lai ah ka dangh ve ta nak khi a si, a thih suimillam ttem zong keimah nih ka khiah piak ve ko khih hehe, a thihni zong hi February 14, 270 A.D ah ti zong a um hoi i ai lo cio lo i ka theithiam rawh uh, a zeideuh dah ka comfirm lai ti ka theih lo caah ka laknak links ka rak thirchih mi ahkhin a huam mi nih zoh chihcio te uhlaw i nan zumhmi poah nanmah tein ma i comfirm cio te uh, keimah valentine ka hmanning tucu thla 15 ah report ka rak pek ve te lai,...

"The Valentine Day focuses on love, romance, appreciation and friendship."

Happy Valentine Day To the Readers!

Happy V Day to the readers!!!!! <3

Sources 

http://www.morristown.com/ValentinesDay/ValentinesDay.html

http://isabelperez.com/St%20ValentineStory.htm

https://www.olrl.org/lives/valentine.shtml

http://en.wikipedia.org/wiki/Valentine%27s_Day

Obedience Always Bring blessing

Text: Genesis 22:2-19

Theme: Obedience Always Bring Blessing
by
Za Biak Cung Nawl
BD Final year

Brief Overview of the Book: the book has been written by Moses and date of writing according to biblical scholars is between 1450 and 1410 BC, and place of writing was presumed to be in the wilderness during Israelite wanderings, somewhere in Sinai Peninsula, which is presently known as the Middle East and the purpose of the book is to record God’s creation of the world and his desire to have people set apart to worship him.

Introduction to the Text: the main theme of the text that which we have chosen today is “the test of Abraham” in here the question why God test Abraham is the most important part that we have to look carefully. The reason why God test Abraham is to see his obedience and faith. In this verses faith and obedience is related because we could say that God test Abraham to see his obedience as well as faith, therefore I am not going to present about faith but will focus on obedience.

First I would like to define meaning of the word obedience and blessing that we have here in the theme today, because they important term that we should always research and find meaning to apply in our life.

the meaning and the root word of Obedience: In Hebrew is shama - "to hear, listen, and obey” and in Greek hupakouo - "to listen under, to obey; but the English word obey come from Latin word, Etymology - Latin oboedire - ob = towards; oedire = "to hear" Meaning: "to hear or listen towards" in the Popular English usage: "to follow, heed, comply with commands or injunctions within a sphere of jurisdiction." Therefore Obedience is to pay attention, heed and doing what is asked or put into practice what we hear and know. In here when i say obedience I mean to obey God and not about negative obedience, negative obedience mean obedience to bad suggestions or we can said it as bad obedience.

Explanation of Blessing Every word in the Ancient Hebrew language was related to an image of action, something that could be sensed (as observed by the five senses - seen, heard, smelled, touched or felt) and in motion. The word bless, found numerous times in English translations of the Bible, is a purely abstract word that cannot be sensed, nor is it in motion. In order to interpret this word correctly we must find its original concrete meaning. In Genesis 24:11 we read, "And he made the camels “kneel down” outside the city." The phrase "kneel down" is the Hebrew verb ברך (B.R.K), the very same word translated as “bless.” The concrete meaning of ברך is to kneel down. The extended meaning of this word is to do or give something of value to another. God "blesses" us by providing for our needs and we in turn "bless" God by giving him of ourselves as his servants. And the greek word for bless is Makarios, which means bless, happy and to be envied. Therefore, we can define blessing as any expression of God’s goodness, mercy and love toward us. Such as Answered prayer, miraculous provision, and unexpected favour are some examples. We easily recognize these as God’s gifts. But sometimes He chooses to bless us in different ways. For instance, He grants us strength and joy in the midst of hardship, and He uses our suffering to help us mature spiritually. Let’s us go to the main sermon

Vs 1-11 Obedience Story of Abraham

In this Genesis 22 chapter, we can see the greatest acts of obedience in the life of human history through Abraham.

During the time when God test Abraham they stayed or settle in the place call Beersheba, according to archaeological research, from Beersheba to Mount Moriah is about 50-60 kilometre or mile journey, Mount Moriah is located near to Jerusalem, the question here is why God told Abraham to go that much far to sacrifice his own son, why don’t he told him to sacrifice near to their house in Beersheba, if we see the biblical timeline and history, Abraham and his son spend three day in their trip to Mount Moriah to sacrifice along with their servants and donkey, so why that much far, because God want him to imagine how He had done many miracle things in his life and what will be his plan in the future for Abraham, but it is still hard to do for Abraham to sacrifice his only son and long waited son, but he Obeyed God in heart and know that God will provide what he need in his life. In here a question for us is that why God test Abraham, in such severe and painful manner, because God only see the heart of Abraham, God want Abraham to sacrifice his heart to Him, and obey Him in his Heart only, likewise in the life of Xn Our God is always looking our heart, not our physical appearance and wealth. He always looks our heart in every circumstances.

The second things that we should look in this chapter is, why God ask Abraham to perform human sacrifice, which pagan nation practices, and God even condemned this human sacrifice as terrible sin in Leviticus 20:1-5, but what we have to understand is God did not want Isaac to die, but he want to see the Obedience of Abraham, he wanted Abraham to sacrifice his son in his heart, so that it would be clear how Abraham love God more than he love his long waited son. This is one of the reasons why God test Abraham, God want Abraham to grow his obedience by testing, the purpose of testing in the life of Xn is to strengthen our character and deepen our commitment to God. As through this difficult experience, Abraham strengthens his commitment to obey God.

If we see again in verses 9-12, Abraham was in the greatest painful events, he have to face the most difficult things in his life, that he had to kill his beloved son Isaac for the sake of Obeying God, let us try to imagine the life of Abraham as ourselves in such events, it is really difficult to let go of what we deeply love, even our properties and not son, we clearly know that how it is to let go off what we really love, therefore in here it is too difficult for Abraham to kill his only son too, but for the sake of the lord he don’t withheld even his beloved son and long waited son, then when God saw the fear and heart full obedience of Abraham, Isaac have been replace by the ram, therefore when we do give to God what he asks us something in our life, He returns us far more than what we could dream, in the life of Xn,  

Isaac as the Symbol of Christ Crucifixion and His Obedience

And one of the significant things in this genesis 22 is that, the ram (ram mean male sheep)that offered on the altar as a substitute for Isaac and Christ as offered on the cross as a substituted for us, Isaac carry the wood for burn offering of himself indicated that Christ himself carry his cross to save the sin of the world, God love Isaac, and spare his life, replace by the ram, likewise God love us and he want us not to die and sent his only begotten son to save us from our sin, we can see in John 3:16, and also we can see not only the obedience of Abraham but also Isaac, he never argue with his father, he obey every things that his father spoke to, and when God see the two obedience, Isaac have been saved. Isaac has been spare and goes back with his father to their home Beersheba with happily. Therefore, we can say that there are time that we have been free from danger even death through our obedience in our life that example had been display by Isaac for us.

       God Reward Obedience

In verses 15-18 we can see the promise of God blessing abundantly to Abraham for his obedience, he promise Abraham that he will surely bless Abraham, and give him many descendents and offspring, the most precious blessing of God to human being is blessing of descendents, offspring which we can see in the letter of Paul to Ephesians, through the obedience of Abraham, even God bless all nation on earth, also when we see the story of Job in the bible he has been test by the lord and all his property, children, his animals has taken, but he never forsake the lord and God blessed again in his life more than he blessed before and his daughter were known as the most beautiful girls ever in the world, he received abundant blessing from the lord in his life,

If we go to Luke 5 in the New Testament we can see about how an ordinary fisherman became one of the chief builders of the early church because of his obedient who is called peter beloved disciple of Jesus Christ our LORD. Simon Peter made a lifelong commitment to follow Jesus Christ and received many blessings as a result.

Here Luke 5 tells us that after an unsuccessful night at sea, Simon Peter was weary and discouraged because of their hard work to catch the fishes but they got nothings. Yet when Jesus asked to borrow his boat, he agreed. And when the Jesus suggested the fisherman Peter to put out nets for a catch, Peter did so against his better judgment. His obedience led to huge financial gain, and even better, he saw Jesus for who He was-the Lord.

Just as his nets expanded with the overflowing catch, Peter's faith also grew large that day. He was so confident of Jesus' sovereignty that he laid down the tools of his trade and became a "fisher of men". 

And rewards continued to come his way: as Christ's disciple, Peter spent time with the Lord and performed miracles in His name (Acts 9:33-42).

Obedience was Peter's lifestyle-when the Lord told him to do something, he didn't delay (Matt. 16). He understood who Jesus was and helped establish the church on the rock-solid foundation of Christ's Messiah ship. Peter preached at Pentecost (Acts 2), opened Christianity to Gentiles, and wrote two biblical epistles-all of which are additional rewards for his faithfulness.

We Believers sometimes shy away from following Jesus wholeheartedly, wondering, how can He use someone so average? Peter's life proves that the Lord equips those He calls. As we all are called to be His disciple as Peter when we faithfully obey God and our leader, parent, God rewards us in every aspect of our life.

Outcome of Obedience in the Bible

If we see some of the Biblical Examples about obedience as way to get blessing,

A. when we see the great flood account in Genesis God command Noah to build an ark and then Noah’s obey God and build the great ark that saved his family from the universal flood, therefore we can say that Noah and his family were save by Noah obedience to God. Not only that but also Moses led the Israelites people out of Egyptian bondage through his obedience to God and doing what is asked him to do by God, not only that but also Joshua won the battle of Jericho by following God’s supernatural strategy that is also his obedience.

And also David obey God word and refused to harm Saul, the anointed king, even though Saul try to kill him and God bless David and became the Greatest king of Israel likewise if we see the new Testament Peter obeyed Jesus’ command and throw his net to the deeper side of the lake and catch a very large number of fishes. when we look back in to the life of the apostle Paul, he obey and followed God’s will and took the gospel to the Gentile nation and many of the world nations received and accepted the gospel of Jesus. Therefore, when we look some of the biblical examples, we can see that obedience always bring blessing in the life of Christians. As we have also seen in 1 Samuel 15:22 that to obey is better than sacrifice and to heed is better than the fat of ram.

Outcome of Disobedience with Illustration

When we look at Genesis 19, God destroyed Sodom and Gomorrah because of their disobedience. If we see the root causes of problem in the world society, disobedience always brings problem, such as war, punishment, torture, example if we don’t obey our parent in the family life there is always problem between and parent and children not only that but also in our students life if we don’t obey our teachers and faculties there cannot be good relationship between students and faculty because disobedience always brings problem in the society while obedience always brings blessing. If we look the present war between the NATO countries and terrorist groups namely ISIS (Islamic State of Iraq and Syria), the root cause is ISIS disobedience of international law, if the ISIS obey the international law then there won’t be no war, therefore we can said that disobedience of the law can also lead the war, we have to obey and follow the rule and regulation that we have to keep peace in our life as obedience always brings blessing in Christian life which we can see in the life of Abraham.

Conclusion

Dear friend sometime we may also test difference way by God in our context today to see how far our obedience is work, such as financial problem, sickness, depression, and etc, in our life today, but let never cease to put our faith into God and obey his command, and let pay attention to him for what he say to us, let seek his will and follow his way to reach our goal, today I would like to humbly ask you to obey your parent and teachers, so that you and i might also taste the fruit of blessing, therefore I concluded my message by saying the frui or outcome of obedience is blessing!! God bless u all and be with you wherever you do and guide you with the Holy Spirit and let the Holy Spirit help you to practice obedience life in our campus and also let obey each other when we get a short time to live together so that we may received grace and many blessing together. Amen.        

Ka Zunngaihnak a Liam Cang Lai

" Ka Zunngaihnak a Liam Cang Lai "

Khua a pau canglai, Nohawng thlizil

a hrang cang lai, meithang zaam hram

aa thok cang lai, a uai mi hnah

an ṭil cang lai, thlizil choihmi

hnahrau hna cu, an lo lai i

hnahthar hna nih, hring eu chuah in

an colh cang lai, zunngaih tuar in

a uai tawn mi, ka thinlung zong

a thar lai i thlizil choih mi

hnahrau sinah, ka zunngaihnak

a liam cang lai,
khangkhum, vaurawng

faiceu chokhlei, senhri thingkep

an par cang lai, caan rel Va nih

an aw dawh in, ṭhalkhua pau cu

an lawm cang lai, khuapau lawm in

a par mi le, aw dawh chuah in

a awn tawnmi, caanrel va hna

an hnuzul in, zunngaih tuar mi

ka thinlung zong,khuapau chuah cu

a lawm cang lai, khi tik ahcun

ka tuarnak le, zunngaihnak cu

a liam cang lai......