Lung I Tuaiter Awk A si Lem Lo

Lung I Tuaiter Awk A si Lem Lo

Tulio online news  CCN, ABC,CTV, Telegraph, Christians Post, etc,  kau ciammam ahcun Did Jesus married with mary magdaline? jesus married Mary and had two son. timi biahalnak pakhat le biatlang pakhat nih milung a lak cuahmah lio a si, headline ah a phah in ai phah ko, aruang cu a luancia 1450 lio hrawngah rak ṭialmi The Lost Gospel, 1847 hrawngah British Library ah chiah dawh a si tiah ruahmi cauk pakhat nih Zisuh nupi a ngei i fa zong pahnih a hrin hna a nupi cu Mary magdaline a si tiah a phuan taktak ve mi a si i  zaapi khuaruat lo nih cun zumh sual a fawi te ko hnga, Atlaumi thawngṭha nih a chim, ti nih le a vun si chinchap cang ahcun, zeiruangah dah hi thawngṭha cauk hi a tlaumi an ti hnga timi hna ruah ahcun milung a tuai dengmang ve, Zisuh sining tak a si caah an thlaumi hna si ko lai ti te hna ruah khawh zong a si, milung laa phun te cu a si ve ko, nain gospel pali, Mathew, Mark, Luke, John nih fiang cikcek tein kan Biakmi zisuh kong cu an ṭial ko cang i kan nih khrihfa caah ahcun lung i tuaiter awk a si lem lai lo, Zisuh nupi a ngeih le ngeih lo cu fiang cikcek tein thawngṭha pali ah kan hmuh cang ko i, a tu i the lost gospel nih cuticun a ti, timi hna hi theih awk ṭha cu a si ve nain ruahawk tlak cu a si lo, thil theihhngalh cu a ṭha nain ruahawk tlak le pom awktlak tu thleiden thiam kan herh, cun hibantuk in X'mas lai ahcun zisuh thangchiatnak kha biaknak dang nih zumhawktlak dengmang in mi an hlen khawhlio caan zong a si, i a cang lengmang mi a si, a luancia nikum zongah Babylonian text nih zisuh, nupi a ngei tiah a phuan ti zong an rak chuahpi ṭheu, i zisuh cu Rom ralkap pa le mary nih lakfa an hrinmi si ti tiang hmanh in ca an chuah tawn, cu caah hibantuk thawng a than caan poah ahcun aa X'mas a nai cang ti theihnak tu ah hmanding a si, X'mas a nai cang i a kan khamhtu khrih don dingah timhcia tei'n um uh ti theihternak a kan tuah bia tu a si,  kan Biakmi zisuh kong cu amah pumpak a zultu hna le Dr.Luke, Mark hna nih piang taktak in an ṭial ko cang i kan nih zumtu caah hibantuk zisuh nupi a ngei timi hna hi cu, Khrihfa a huami nih an ṭawn chom mi si ti cu chim hau lo in kan theih dih ko i ceih awk zong a tlak lo mi khi a si, thawngpang theih cu a ṭhat caah a theih kan theih kha a za i, va ceih len ah khan cun a si tak hlah maw ti a zum mi tu kan lo lai, 

A cauk min ah the lost gospel timi hna a bunh cu milung lak a thiam i vawlei cungah hlen a makbik a si tiah the lost gospel ṭialtu pa kha hlenthiam bik laksawng le certificate pek phu a si,,,cucaah atubantuk thawngpang theih hi Xmas lai phung a si tiah ruah cio phot ding.....

A Rak Nuam I Ngaih a Phu Hrimhrim

(Hawi leng hna, blog i ca ka ṭial lonak a sau, exam le ministry he kai ton lio a si caah caan a um lo i si, umhar pheng nan zoh awk le relchih pah dingah hmanthlak pawl ka vun in dangh hna, tuhnu cu ca ka rak thlah pah cang lai i ka leng ṭhan tawn uhmu)

Arak Nuam i Ngaih a Phu Hrimhrim

Laihlum laimi ngaknu leng le val caah hawile kom, dawtmi, duhmi, uarmi he tiva kalṭi nak in a nuamdeuh mi thildang a um kho rua lai lo, ṭhal nilin i tiva kuanghrawn i hawile kom rual he kan nihkheh pah i um cu a rak nuam hringhran ko, laimi nuamhnak bik hi zeidah a si timi chim cio usihlaw tiva kal le zudawn riah, vapel, ngaramriah, tlangram riah, le ramveih ti dah lo cu lailei nuamhnak dang ngaingai hi cu a um lo kan pi pu hna zong nih an rak sunsak mi a si i kan nunphung hrimhrim zong a rak si ve,

Tlangval nih talkalh i ngaknu rualnih sei an rakdonh mi  te hna hi a rak i dawh ngamsam awh!!

Laimi tamdeuh ramdang a phan cangmi, laitlangah zeidah na ngaihbik mi a si ti i bia von hal tik hna ah an chimṭheu micu, nu nih ngahring dawi, pa nih nga ramriah, zudawnriah, ramvaih, le vapel kan ngaibik an ti ṭheu tawn, an mawh lo ngaih phu hrimhrim cu a rak si ko, India ah ummi kum tin te a tlung ko i nga zong a dawi lengmang komi keimah hmanh nih, laitlang ka ngaihbik mi cu ngaihring dawi ka ti ṭheu tawn si..

Leng le val hna tilung ngahring an dumṭi lionak in zeithil khi dah aitlak deuh mi a um ti hnga?

Vawlei cung tiva le rili i a um lengluang mi nga hna le kan lairam tiva hme tete i a um mi ngahring hna hi teh an i lo maw, lairam ngapum, canṭial, ngavang, ngaleng, lole, vaangpu,lungkep, ngaikuang le cangai hna nak in a sa hmui mi le a thawdeuh mi nga khuazeital khin a um hnga maw?

Lairam nga, Thanghor va i tleihmi

Ramkip um lai mino vialte hi, leng le val hna tilung ngahring an dumṭi i lungkhat ah an lung a hmunh i a kakip kal loin an dumṭi bantuk hin kan i tinhmi le abu kip kan umnak ah kan lung i khat uhsihlaw, lung lungkhat kha dawrem tein le seidonhnak hmun i pe cio usihlaw zeinih dah a kan celh hnga, lungkheu hmanh kan hnin dih ko hnga lo maw?

Tal kiak hmanh in lunglian pi kan hninh khawh ko ṭung

Kan tiva kuang hrawn i Pathian cinmi meifar kung thli nih a vunchem mi aw hrimhrim nih pei milung a daihter tuk cu, milung a hliphlau ter zeitindah Lairam cu a nuam lo an ti kan ti khawh hnga? 

Lairam i Pathian cin far kung hna hi a dawh lo a ti kho mi an um hnga maw?

Lairam ti thiang

Tihal caan poah i phaknak kip ah din awk ṭha in a luangmi ti hi Laitlang dah tilo nan phak kan phaknak ramkip cio a tam hme maw? hitluk in a thianghlim mi tiva i a tlong mi nga khi a thiang lai lo ti khawh si hnga maw, hrisel lo in an um lai tiah na ruat maw?

Chuncaw hrawm lio

Leng le Val hna tiva kam i chuncaw hmunkhat i hrawmṭi lio caan nak in a nuamdeuh mi caan um dawh a si ti rua lo, mirum sifak, muidawh mui chia ti thleidannak ngei lo bakin hmun khat rawl phunkhat vun ei tti cu a nuam tuk hen ta.

Congthia mino, Bu rian an ṭuanlio

Ni he kheh he a runrun in bu rian kan ṭuantawn zong kha philh awk ṭha a si ṭung lo ee, mino hna lungrual taktak in cawlcangh ṭi a rak nuamhning le a va i dawh ning, mino kan lung aa rual i ṭuanṭi cang usih ti ahcun tiva chung lunghmanh pei chuah dih kan timh hi, lungrual cu teinak/ṭhawnnak a si timi hi a rak hman hrimhrim hi teh, lai mino hi kan lung i rual dih ciammam sehlaw zeitluk in dek kan va ṭhawn hnga? Adolf Hitler hmanh nih pei "Teinak cu mino kut ah a um " a ti tak kha..

Lairam Swimming Pool

Ramdang swimming pool i ti kan i lioh ahcun kan kaa i ti a luhsual citcet cu midang aalioh ciomi rimrua teh a si lai a al khawh chunginn a al a si nain lairam kan swiming pool ti kan i lio ahcun kan i lioh pah zongah kan ti a hal ahcun din pah khawh a si, kan khua a sik kan ti si le Pathian pek Electric nih a rak lumhcang mi lungcung ah kan tthu i lum hiarmal in kan um ko teh.....

Mino Meeting lio

Biakinn chung i mino hlacawn le hlaremh, meeting tuah, zeitindah kan cawlcangh lai timi hmunkhat i khuakhan lai relṭi hna hi a rak nuam chiahru ngamsam awh

Zarhte zan hla kan cawnmi Zarhpi zing pumhhlan i sak bang ṭhanding in timhtuahnak kan ngeih i mi kan rak i hngah hmanh khi dakaw a rak nuam tuk cu, a zeidang cu chim lo..

Inn khat atubantuk in rawl kan rak i hrawm tawn te hna a hei nuamhning, meh hna i suah, capo hna chim pah thulh,, a rak nuam hrimhrim ko eh, laimi nih mi ramdang van kan hai lo kan timi hi a rak dik hrimhrim ko,, Lairam hi cu a nuam ngamsam dakaw, zeitin hme nan philh i kan philh khawh cio lai, mahtluk a nuam mi le Pathian nih kan tlangsang hna le Horkuang hna hmang in kokek chuak rawhralnak a kan khampiak mi hrimhrim hi kan i lunghmuih tuk awk pei a si tiah, khuazei ram ka phak hmanh ah lairam ah ka kir lai i ka lu kaa phum lai timi ruahnak a ngeimi khi pei kei cu ka uarbik hna cu, a chim lawng chim si loin a tuah in a tuah taktak tu chinchin cu ka uar ngamsam hna eh, lairam nuam ah kirṭhan in tilung ngahring dumṭi ṭhan ding in ramdang um vialte hi hmanthlak le a caṭial chihmi tlawmpal hin kan sawm hna,,"Peace be upon the readers"

Khuasik Caan le Xmas Thlaurau

Khuasik Caan le Xmas Thlaurau

Minung nih a tlaih zong kan tlaih khawh lomi, liam rih hlah tiah thlauh len zongah thlauh khawh a si lo mi ni le caan cu amah liam in a hung liam ziahmah bantuk in Laimi Khrihfa vialte nih vawleicung puai vialte lak ah kan sunhsak bikmi le hngahhlang ngaimi a kan khamhtu chuahni tiah ruahmi mifim mi rum sifaak, mihrut santlai lo tiangin thirthar he kum tin te kan lawmh tawn mi Xmas cu kan naih ziahmah cang, a rimrua cu hnar vun fik ah theih pah khawh a si cang, Khamhtu taktak chuah thla a va si caah cun teh a si hnga thladang he cun a rak i bang lo hrimhrim ko rua.

India ram nilin le khuasa henghung pi hmanh November thla vun luhcun a hung dai ziahmah, cu lawng hlah zing ni ceu hrimhrim a rak i dang tuk teh, thla dang ni he an ceudan a dang deuh vingmang, minung lungthin zong a vun i thleng ziahmah ve, umtu hoihar aa dang, mi lung a hlau, harha a zaang, lung a hrephrioter zingthawh kaa aw dawh phunkip he a zai tawn mi vate te zong awidang tawnnak in an aw a khing deuh.

Cherry pangpar le tlangsangpar zong November thla cun khamhtu chuahthla chuah langhnak ah tiin timhtuahnak an ngei cuahmah i an i mom lio te a si, Zing niceu dawh tlaan in tapchak i a ngor ko mi tar nu tar pa hmanh chumtual ah biaphawn an deng i nikhuaceu dawh an lawm, khuasik dapti lak ah lailei semmawng, tleirawl hna zong lei facang var lak ah zanleisang cun phaikalh hmanh hram an vun thok cuahmah, lailei nu le pa cheukhat hna zong Xmas lai fa le thilduh zalhpiaknak ah tiin an phaisa hmuhchun tete an i khon cuahmah lio a si, a khuakip le ramkip i sianginn kaimi hna zong Xmas i lai lei an khua tlun timhlamhnak kong lawng an ceihcuah mah lio a si, Khua thlanglei kuli a lek mi laikhal valttha rual zong an phaisa hmuh chun mi hmang in Mizoram Khuapi deuh ah duhhalh le sahlawh rualchan chungkhar caah tiin thilduh tampi le India chuak mutthai an cawk hnu ah, an phaisa taangmi lai lei an vun hluai i an khua phanh lai ngaih lawng si loin Hakha i phaisa an an kuatmi fa hlam hrimhrim ngaihtuk buin lairam an panh cuahmah lio a si, vawlei misual kan caah Zisuh cu kan laksawng a si ve ti a theimi laimi cheukhat cu an pi le an pu nu le pa a tar deuh cang mi kha laksawng pek awk in timhlamhnak an ngeih lio pi zong a si, cu lawnghlah ramthumnak ummi laimi cheukhat zong lai lei khua i an chungkhar le u le nau nu le pa Xmas thilduh cawknak ah kuatding phaisa tiah har le fe in phaisa an hmuhmi an i khon cuahmah lio zong a si chih teh, maw a va nuam i a vaa idawh hringhran dah khuasik caan le Xmas thlarau.