Capo Tawi Khawmhsuat

Zendul: Ka nu chimhmi ka rak ngaih lo ruangah khan zeizong vialte ka sung dih ko eh

Pachup: Kawi zen na nu nih zeibantuk bia an chimhmi te na rak ngeih lo ruangah dah a si

Zendun: ka rak ngaih lo caah cun hme ka theiti fom lo cu !!

Laimi sin ah a cang ṭheo mi

Pachup: Rev. Zendul kan hnuzarh phung na chim mi kha cu a ṭha bak ko ka nun a ka tonghtuk hring hran

Rev. Zendul : Zeikong hme ka chim ma lio kha

Pachup: Na chimmi cu ka thei ve ti lo

A ṭha mi cinken hrimhrim pei kan i timh lo cu, a chimtu zong zei nih philh a ngaitu zong cu baak.

Nu le Va kar ah

Zendul: Hello, kan nu he kan i si le thlalang awng in zuan aatim hih, room no 11 ah vun ra zok.

Hotel Manager: Sir, nanmah nuva buainak ah ka ra kho lo, kai ceih lo

Zendul: Bator pa zei bia dah na chim thla langawng kan ong kho lo i pei rak ra kan ti ko cu.

Nu le va karlak hmanh ah dakaw dawtnak hi hna ek zat hmanh a len ti lo cu kan chan hi...

Sayamah le hi an test an hmang

Sayama: Nihin cu gramar ah tense timi kan cawng hna lai. Khah sicun "I am beautiful" , ma hi zei tense dah si.

Students: A fiangtuk mi, Past tense hme teh si lai!! a hnu bik tlang ṭhu mi nih past impossible tense si a ti.

Mizaw pa

Dr. Zendul : Pa chup nikhat ah ti hrai 10 lengmang ding law na zawtnak hi dam kolai!

Pachup: Dr. Zen, ma ti si cun dam khawh dawh ka si lo

Dr. Zendul : Ziah tidin cu a fawi te mi dakaw si, cawk zong hauh ṭung lo

Pachup: A si ko nain kan inn ah hrai pa 4 lawng kan ngei eh..

Molh vaivek ahcun tihin molh ding si.

"Dawt a Si Lomi in Kan i Daw"

Luka 14:12-14 (Rawl ei nan sawm tik hna ah, na hawi kom le na u nau, na sahlawh le na inn pa mi rumrum kha sawm hna hlah zei ca tiah an mah zong nih an i sawm ve lai i na tuahmi kha cham a si ko. 13 Rawl danghnak na tuah tik ah misifak, kutzeng, kezeng le mitcaw kha va sawm hna law, an nih nih an i cham khawh lai lo caah thluachuah na hmu lai.)

Mi na dawtdan i ruat ṭhan hmanh, an daw ṭhan kho ve lo ding cu dawt awk a tlak lo timi lungput na ngei hrimhrim. Kanmah nak sifak deuh le mi tlamtlinglo, mihrut sanga cu dawt awk a tlak lo a lem hna kan ti, kan dawt hna kan ti le kan duh loning in an vun um sual citcet cu kan dawtmi hna kan i ngaichih, zei ah dek thil ka rak ṭhenh dawtnak hmanh a thei lomi tiah kan zai, kan pek ciami hna thilri hmanh chuh ṭhan hna kan lung a chuak. Dawtnak in thil kan tuah kan ti ko nain kan dawt kan timi hna sin in pakhat khat kan i ruahchan peng ve, ṭha tein ruat hmanh, ka daw ve ṭhan hnaseh ti ruahchannak he mi dawt cu kan bible nih dawt a timi a si hrimhrim lo, sipuazi tuah tu a si. Na dawtmi hna nih na dawtnak an i cham ahcun cucu dawt a si hrimhrim lo, leiba coih i cham tu khi a si deuh. Dawt awk tlak tu aa tlak lo kan ti i dawt awk aa tlak lomi tu dawt awk tlak ah kan chiah hna, Bible kan nganh cikcek. A kan daw ṭhan ve kho lo dingmi dawt khi dawtnak dik a si tiah fiang tein Zisuh nih a kan chimh ko khih."

Na dawtmi nih na dawtnak a theih lo zongah a theitu Pathian a um, dawtnak a thei lotu na dawtmi a biaceihtu le a lungchung rianṭuantu ding cu Pathian a si. Cucaah cun pei Paul nih a voi khatnak Corinth Kharihfa bu sin i a kuat hna ahkhan 13:1-8, "Dawtnak cu thlachiat a ruat, zaangfahnak a ngei, a nah a chuak lo, dongh a thiam lo, a lung a dong bal lo"a ti kha.

Mi na dawtning an ruahter ṭhantu le dawtnak dik in mi a daw cang mi siding ah an bawm hramseh. 

Esther Cauk Chung Pathian Rianṭuannak

Persian ukmi ram, ram 127 chung nungak vialte lak i Judah nungak tleirawl Esther, nu le pa zong a ngei ti lomi a pu nih a cawm i fenh-aih ṭetṭiam ṭha zong a ngei ve lomi Siangpahrang nu i a cantermi kha cu a mak nan ti ve lai dah. Modercai ralṭhatnak kha a thuhpiak chung i a caan zaacang ti bak ah Xerxes siangpahrang pumpak sin ah a phuan i laksawng pek a si. Modercai laksawng petu dingah thah a timmi a ral Haman lila kha a thim hoi ko, Modercai thlainak dingah sermi vampang ah thlai a timtu Haman tu thlai a si. Thahtimh mi Modercai kha Siangpahrang changah a kaiter i thah a tim tu siangpahrang chang a si mi Haman tu kha thah a si. Esther chung I Pathian nih rian a ṭuanning hi a mak hringhran.

A Fiangmi

Sifaak santlai lo te, nuhmei ngakṭah te, miphun dang lak ah vitamin a bau nawn mi te, fenhaih ṭetṭiam ngei lo te, tawhrolh belh chom mi te aahruk mi zong hi Pathian nih cawisan a timh ahcun khuaruahhar in milianngan ah an i chuah kho ko timi kha a kan hmuhsak. 

Pathian nih kan thiltuahmi hi a theih dih i amah nih a za a ti caan ah a theipar a kan zunter, minung nih kan duh caan ah si loin kan herh caan te ah Pathian aaphuan zia kha a langhter ngaingai. Ziah ka thlacam a ka leh hnga lo tibantuk, thilṭha ka tuahmi hi a theipar ka zun hnga lo tibantuk lakhruak ruahchannak ngeih loding, Pathian caan le minung caan aa den ning kha fiang ngamsam in a langhter.