Vawlei i Lawm Tuah
*****************
Kan umnak vawlei hi lawm hlah, vawlei in sermi nangmah kha i lawm, kan umnak vawlei si loin vawlei in sermi nangmah le keimah nun ah Bawi a si lai ti khi a chim duh, a uknak tang ah na um cang maw or na Bawi ah na chia cang maw? Na nun ah Bawi a si ahcun na Bawipa duhnak cu teh na tuah maw? Daihnak Bawi uknak tangah daihnak a um, a uknak ah dinfelnak, tlukruannak le zawnruahnak a um, eihmuarnak a lo, thleidannak a thi, entainak nih hmun a ngei lo. Fimchimtu lawng a si lo a ṭhawngmi Pathian a si caah mi theih lomi kha a chim i mi tuah khawh lomi kha a tuah kho tu a si. A zungzal in kan pa a si i kan pawng ah a um pengmi kan pa a si, taksa lei kan pa nakin kan i bochan deuh dingmi kan pa a si. (Isaiah 9:6). Uktu kan ngeih ahcun uktu duhning in nun a si tawn, cawnpiaktu kan ngeih ahcun cawnpiak tu cawnpiaknak zulh si tawn, na nun le ka nun hi Zisuh nih a uk ahcun kanmah duhnak kaltak in a mah duhnak in nun khawhnak kan ngei hrimhrim, Jesuh uknak tangah kan um cun thleidannak a huami, eihmuar a dohmi, dinnak a ttanhmi, daihnak nun a ngeimi kan si awk hrimhrim a si, hi pawl kan ngeih lo ahcun kan nun ah biahalnak ngei ṭhan tuah hna usih.
