Facebook Ahhin "Bing" Opium Aatel Rua a Misuai Faak Ko!! L0L

Facebook Ahhin "Bing" Opium Aatel Rua a Misuai Faak Ko!! L0L

India Nelrawn Guwahati ka phak bak ah NECC zung i rian a ttuanmi ka hawipa ka va tong, a hawi le zungkhan ah khan khat hnu khan khat in a ka luhpi, Manh lo taktak in Computer hmai ah an rak tthu cio, power point or excel ah ma an buai len hnga ka ti nain an computer hmai ka zoh cu facebook ah a rak cawlcang mi lawngte,

Bangalore ka phan, sianginn hlethlai ah kaakip lo ah kai chokk, sianginn ka hletnak kip i saya te zungkhan tthu mi hi computer hmai ah cun an to dih, manh lo ngai in zeirian ko dah an ttuan hnga time table le cachimh ding ma an i timhtuah hnga tiah, ka hei bih hna le Principal in Warden tiang facebook tuai mi lawng te ka biahal zong tlamtling in an ka let lo.

Phone tangka ter rawng ning ka ti, dawr hnih thum ah ka kal i dawr hngak pawl zong computer hmai ah manh lo ngai in an rak to, phone phaisa rawn ka duh ka ti hna le minute panga hrawng a rauh hnu khin zeitin ee an ka ti, zei hme a tuah hnga mah dawrhngak pa cu tiah a computer screen ka hei zoh piak cu facebook tthiamtthiam ahcun a rak buai ve khim ko.

Kawlram, a hlei in laitlang ahcun zungtthu pawl nih minung pakhat computer pakhat cio i hunh in rianttuan timi a tam rih lo, a sinain zung rianttuan pawl ton duh tik hna ah cheukhat cu phone ah ngawl hngal lo in facebook ah buai, hawikom mileng zong a biapi ah a chia lomi an tam taktak. Kawlram Dawr hngak cheu khat zong phone in facebook rumro tongh in customer zei ah a rel lomi an tam taktak hoi.

Thawngpang relnak le theihhngalh kauh/chapnak ah a hmang mi an rak um lioah, caan le phaisa dihnak men ah hmang mi kan tam emem ve hoi.

Keimah hrimhrim zong Phone le PC thlen in facebook ka ong. Ka thawh ka ah on, chun ka chuah ah on, zanlei sang ah on, zan ah on ih lai ah on, a caan ah eipah Lol

Facebook addiction nih tar thlu lo no thlulo in vawlei cung minung a kan den dih ko rua, sianginn kai mi zong ca cawn lo in facebook cawng mi kan lo dih ca i zuam lo in facebook tthut aazuammi kan lo rih.

Kei ve zong cu mi thiltuah mi ngiat ka hmang ngai i ka vahnak poah ah ka pawng i phone a dekmi poah cu mirang he minak he kala he kawl he lai he Facebook tuai mi lawngte kan si ko LOL

Cun ........aw...... keimah lawng ka rak si loh hiteh, ka ti i facebook ahhin bing/opium aa tel rua ka tinak si

It was undeniable truth that Facebook and Others social network saved our time........L0L

Sifahtertu Rungrul Siloding a Biapituk

Sifahtertu Rungrul Siloding a Biapituk

Lailei kong cu ka hei ruat, kan nu le kan pa fur tthal hlen bak in rian an ttuan mi hna ka hei tuak, an nih, nih thideng in pawcawmnak caah chun zan hlan in rian an ttuan, lo an thlo thing an phor, an fa le hawi lo ve hnaseh tiah a kenkip lo ah sianginn a kan kaiter cio mi te hna ka hei tuak, sianginn a kaimi nih le lailei rian a tam saling ah kan um hna lo i sianginn kaipah in nu le pa rian hmanh kan bawm kho hna lo, kan nu le kan pa an retheih an thabat he lo lam an tlun pah ah na fapa/fanu nih phaisa 200000 in ka kua hnaseh an ti hna tiah fa le phaisa cah hna an vun chimh hna, aw si maw ka fa a hal tuk cang lai cu ta tiah an ngeih lo hmanh ah lo kalnak kutke hmanh ttawl ta lo in do cawipiak ah an vak i mitchimh kamhseh in mi kam an keu, mi inntung an rel, athai zingah fanu fapa phaisa kuatnak ding ah a hodah Hakha, Thantlang ah kal hnga ka fa phaisa kuat hau tiah mitlung kal an hlat, fa le tangka har lai le mizoh hawi hal in um lai an ruat kho hrimhrim lo. Aw nu le pa nih fa le a kan dawtning ngai hi ka ti. 

Cu tluk i nu le pa nih fa le a kan dawt i, ka fa hawi lo veseh tiah sianginn a kan kaiter lioah micheu khat cu nu le pa dawtnak le temh innak tuak bak loin a ummi kan tampi rih, nu le pa le u le nau nih thideng in hlawhmi le hmuh mi phaisa a luhnak tuaklem lo in duh poh in kan suaksam ttheu tawn, zuu hna kan dinnak hawi le he nuamhsaihnak menmen ah nu le pa le u le nau tha le zaang pi kan rak hman lengmang ko mi hi cu tuak setmat ahcun tuk a rak sum ko.

Sianginn kan kai cio hna ruangah nu le pa rian bawmh caan kan ngei lo, lailei rian a dih i khua a pau lei ahkhin kharpi cu si kaw kan tlung cio hna, cheukhat cu rian a tlawmlio i rian ummi hnihkhat tete zong nu le pa bawm tuah hna usih ti ruahnak kan ngei bak lo, kan nu le kan pa nih sianginn kan kai kar i thideng in rian an ttuan mi zong tuak bak lo in kan um lio i rian an ttuan zongah kan zoh sawh ko hna, micheu cu nu le pa nih rianttuan sianh lo mi zong an um ve ko lai nain a tamdeuh cu lailei ahcun nu le pa rian bawmh a herhmi lawng te kan si. Cheukhat le bang cu tlun caan ah innchung khar ah bawi phun in umter kan hmang, nu le pa tu upat lo in rian hna fial salam a hmang mi zong kan um, kan duh lo mi meh an chuan hmanh ah nu le pa a that deng mi kan um, innchungkhar nawl ngeibik phun in kan um tawn hna i ruah satmet ahcun tuk a summi a si i mah le mah rak i hngalh lo pakhat zong a si. 

Cucaah

Sianginn a kai cuahmah mi ka hawi le vialte hna, Nu le Pa le u le nau hna nih thideng in sianginn a kan kaiter mi hi ruat cikcek hna usih. Na kaimi ah luhlinh bak in i zuam law na caan hman zia thiam cang, nu le pa u le nau nih thideng le thlenti put in hmuhmi phaisa in sianginn a kai mi ka si ti philh hlah. Nu le pa u le nau nih thiding in hlawhmi phaisa in sianginn a kaimi ka si caah phaisa hmanzia ka thiam a herh i kai zuam zong a hau timi ruahnak ngei hna usih. Ca zuam hi nu le pa rian bawmh pakhat a si ve timi ruahnak ngei hna usih. NU LE PA DAWTNAK le temh inn nak U LE NAU retheihnak le hartuarnak ruat satmet tein sianginn kai hna usih. Nu le pa dawtnak fiang bu tein le ruat bu tein sianginn kai hna usih. Ka cawn mi le ka kaimi hi ka thiam hrimhrim a herh i mi tiang ka chimh khawh ve hna a a hau timi ruat bu tein sianginn kai i zuam. Sianginn kai ttung i thiammi le theih hngalhmi zeihmanh a um ttung lo ahcun nu le pa caah sifahtertu rungrul men kan si ko lai. Cun sianginn kai chung hi lai lei rian a tam saling a si kan ti cang bang khan kan cawmmi ah thiamnak le theihhngalh nak chapmi ngei lo in sianginn kan kai cun, cubantuk cu lai phungthluk i EI LAWNG CHUAK TUAN ZAM men kan si ko lai. Cucaah sifahtertu rungrul le ei lawng a chuak i ttuan ah a zam mi kan sinak hnga lo ca i zuam hna usih law sianginn kan kai nak ah lungfim tein le fimkhor, khuasum khuahna tuak bu tein Phaisa hmang hna usih.  Ei lawng a chuak i ttuan ah a zam mi kan si loding le sifatertu rungrul kan si loding a biapi tuk.

A Fak Dah Ngai

    A Fak Dah Ngai

Zeihme kan sual, chuahsem hlan i

rak ngeih cangmi, nuhrin covo

cotin khawh le, miphun dang bang

zalen tein, len ve tlon ve 

duhruang ngai i, lai fa dawt hna

chanṭim hlan i, ni bang an liam

thlabang an dih, riangmang ko hna hi.

A fak dah ngai, pui thih si lo

ralhrang kut in thih lengmang hi.

Khoi hme peace talk, kahdaihnak le

nyinchienyi e, remdaihnak e

timi hna cu, an tlau dih ne

kahdaihnak tuah, i hei kah pah

mihrut hnachet, kebei mitcaw

ruahnak ngei lo, rumro ah pei

an kan ruah hi, kawl fiar rualnih......

2014, Nov 22 Kachin Ram i a thimi CNF kan unau philhlonak Biazai

Ding tampi Lakah Ding 10

Ding tampi Lakah Ding 10

Duhding cu a lungput,

zoh ding cu a tuanbia

ngiatding cu a nunzia

tlaihchan ding cu a hmurka

uarding cu a mui

thimding cu a fimnak

tuakding cu a sining

ruahding cu a umtu

cuanhding cu a hoihar

hi vial lak ah angan bik mi cu "ZOHDING CU A TUANBIA"asi!!!!

Khun a Dim Cang

" Khun a Dimcang"

Kanrak lengṭi, caankhat lio ah

kumthum chung cu, kan rak i daw

kumhnih chung cu, a rak ka hngah

kumthumnak cu, a lung dong cang

ka va tlung i, na dih deng ma a rak ka ti

kumhnih kaa duh, tiah ka rak leh

ka kal ve lai i, na dih tik in

ka rak tlungṭhan lai, a rak ka ti

khoi ka ah hme, na kal lai le

ka rak ti i, zei ma lo ah tiah a rak ti

kal ve ko ca, ka dih nai lo i

ka rak ti ve, a kal taktak

kumkhat cu liam, kan thawngpang zong

kan rak i thei, kan i chawn i ca kan i kua

kumkhat cu dih, tlunti lo in lanh tu ai tim

ka lan cang e tiah a ka ti, ziah na lanh kun

ka rak ti i, kirṭhan ding cu

ka huam ti lo, a rak ti bak
kumcheu a liam, ca a ka kuat

ka hei zoh cu, khun ka dim cang ti a si ko

ka ngaihchia pah, a ṭha ve ko

ka hei ti pah, kumkhat dih ṭhan

ka timeline wall, news feed ra mi

ka hei zoh cu, sem a cawi cang

ka lu kai domh, zei chuak ti lo

kan lo kan tlau, ti ṭheu tu in

ka biatlang cu, ka kawm ṭhan ko

Cazoh Huam lo

Cazoh Huamlo

Cahmai zoh ah tha a dih

Hei kau ahcun mi aku
ca page kau ah zaang a zel

ca font zoh ah mit a fak

Hei rel ah le mitkuh thlim

Mit tha a di ruhkhua fak

Book ciocio ah facebook le

Cauk te hna a dan ning

Facebook tthut bang ca rel hi

Hei huam ning law ka duh dah

Rel lo ah le thiam fawi lo

Cacawn zong hi a buai pah

Cawn lo ah le a poi hoi

Phaisa nih dih caan nih thlau

A fawi lo awh kadua le''!!!!

Pathian Dawtnak Kan I fiangmaw?

Pathian Dawtnak Kan i Fiang maw?

Adam le Eve nih sualnak an tuah hnu bak in an taklawng sinak ningzah hram an i thok, Pathian nih a sualmi nawl ngai lo Eve le Adam cu a dawt rih hna i an ningzah cang fom hi teh tiah saphaw in an tak huhnak hnipuan a ṭhitpiak hna Genesis 3:21, Saphaw kha zei saphaw dah a siti cu theihhngalh ngaingai a si lo nain biblical scholars cheukhat nih tuphaw a si tiah an ruah damh, cucaah a langmi cu Pathian nih minung a dawt caah ningzah in umter a siang lo i Tuu kha an sual huhnak caah tiah rai a thawipiak mi hna a si ti a fiang.

Genesis 22:13, Pathian nih Issac thihlai a sian lo caah, tukong nunnak in a thlen ti kan hmuh rih, hinih a langhter mi cu Pathian nih minung hi a kan dawt i kan mahthih lai a kan siang hrimhrim lo caah kan mah ai/can ah saram in rai a kan thawipiak lengmang ti hmuh khawh a si.

John 1:29 kan zoh a si ahcun Zisuh cu Pathian tufa tiah kawh auh a sinak kan hmuh khawh. John 3:16 kan zoh rih a si ahcun "Pathian nih vawlei a dawt hringhran caah a fapa ngeihchun te kha a pek" tiah ati, Genesis 1-2 sernak tuanbia kan zoh tik ah minung cu vawlei in sermi kan si tikha fianghlang ngai in hmuh khawh a si. Cucaah hi ka i John nih vawlei a timi cu kan mah minung a kan ti ti kha a langhter ngaingai. Pathian nih minung a kan dawt hringhran, thihlai a kan siang hrimhrim lo, Biakam Hlun ah minung nunnak le ningzahnak kha samram thiang tiah ruahmi Tuukawng in a khamh hna bantuk in Zisuh zong Pathian nih a tufa ah hmang in vawlei misual khamh awk ah a rak thlah, minunnem, sualnak ngei lo, vawlei cung i a chuakmi ah milian cem a si lai tiah ruahmi tipil pe tu Johan hmanh nih a keden hri phoih tu hmanh ah kai tlak lo ti in a thangṭhat mi pa, vawlei misual khamhtu, le sifaksantlai lo bawmtu a rawkmi remhtu, ngakṭah buangro cawmkengtu,nuhmei zohkhanhtu le saltangmi hna luatnak petu a ṭhawngmi pathian zungzal a hmun mi pa, deihnak bawi cu Rome ralkap Uihrut rualnih, misual, damiah le mihnawm dantatnak vailam cungah an thlai i an thah.Nizan kha a thihnak ni 1984 hrawng a tlinni a si.

Cucaah Kharih ah zumtu u le nau le hawi le hna, nihin ni ah good friday le thawhṭhan hna kan kum zat cio kan hmang cang hna i Pathian nih a kan dawtnak le a fapa Zisuh hi vawlei misual kan ca i a thihnak hi ṭha tein kan ruat bal maw? zeitindah thawhṭhan kan hmanrih? Pathian fapa zisuh misual kan ca i a thih hi ṭha tein kan i fiang taktak maw? kan i fian ahcun zei tin dah kan um awk a si, kan tuah awk rian teh aa hngal mi kan si maw? timi biahalnak hi pumpak kan nunnak ah i hal cio hna usih. Zisuh nih na zei ka zei hmanh a kan hal lo, kan fanu kan fapa, kan ngeihchiah kan chawva a kan hal hrim lo, a kan halmi cu kan thinlung dihlak in zumh le a nawlzulh te kha a si cucu kan caah daihnak zong a si i hna ngamnak zong a si mi kha a si, midang thil kan hal hna ahcun kan caah a ṭhami le san atlaiding kan hal tawn hna. Sihmanhsehlaw Zisuh cu a kan halmi kha kan caah a ṭhading le aṭhami thil ṭhiamṭhiam kha a si. Johan 4:24 ah kan hmuhmi cu "Pathian cu thlarau a si i a biatu hna nih thlarau le biatak in an biak awk a si" ti kha a si, original text ahcun thlarau le biatak si lo in biatak thlarau, thlarau dik/thlarau hmaan in biak awk a si tiah bible thiamsang nih an ti. Cucaah kan Pathian biakning le zumhning hi kan i biatak maw? thlaurau hmaan in ma Pathian kan biak thlaurau thurhnawm/deu in dah timi zong i zoh kan herh. Nihin kan nun ah zisuh caah zeidah ka tuah awk a si timi bia kan i hal maw, Zisuh caah tlik a herh caan ah tlik in dir a herh caan a dirpiak tu siding in timhtuah nak kan ngei i kan ngamh maw?Pathian dawtnak kan ruat tawn in kan i fiang taktak maw?

A reltu cungah vawlei,van thluachuah um hramseh.