Chin Miphun Ni ah Lai Nusal Paih Um Ve Sehlaw! **

Chin Miphun Ni ah Lai Nusal Paih Um Ve Sehlaw!

******************************************

WWE ah nu sal aa timi cu an i ṭhua hna i Noami Glow, Charlotte Flair, Shasa Bank te hna zoh an nuam kho taktak. 

UFC, Heavyweight, Light Heavyweight, Middleweight Welterweight le Lightweight tibantuk ah nusal aa timi cu an i ṭhua, an thi zong chuak dih in an thong ve ko, Ronda Rousey, Holy Holm tibantuk hna an i ṭhuat ahcun pa nakin ka zoh huam deuh bak hna pheh lo te.

Football Club kip nih women team an ngeih hna i Chelsea nu pawl le Arsenal nu pawl le bang cu an thiam ning khuaruahhar ngaingai si. Zoh an dawh/nuam kho taktak hoi!

Boxing zongah nu an i ṭhua i Khuk-ki kan u nau nu Mary Kom hoi hna kha a lar kho taktak, India min ṭhattertu ah aa chuah i Holywood minthang vawlei cungah mui dawh bik a rak si balmi Priyanka Chopara nih video hna a chuah piak. India mipi nih an hngalh dih, an upat i an i uangthlar pi.

North and South America ram ahcun nusal aa timi cu ram an vai i sa an kap ngai hna i an kahmi sa an mah tein an i puak i an hnuh khawh ko. Zoh an dawh ngaingai!

Thantlang peng Khuabung ahcun nusal pawl nih va an pel i voikhat ah pali nga an chaih khawh ve ko.

Congthia ah ka far nu pakhat zong Rangcit thiam taktak mi a um ko. Chin miphun nih nusal tampi kan ngeih hna.

Ka Bia Fun Ning Law

******************

Cucaah Chin Miphun Ni ahhin Lai pasal paih lawng si loin Lai nusal paih zong um ve sehlaw 2017 ah Lai nusal Nungak/Leng- Iang Hlei Sung nih Lainu ṭhawng paih ( Women Wrestling) ah champion a lak tibantuk, 2018 Chin Miphun Ni USA Indianapolis tuahmi nusal zuam cawh paih ah Leng- Dawt Za Tling nih Champion a lak tibantuk theih a nuam ngai ve lai ka ti. Cu lawng hlah 2020 CND  i nu zatlang paih ah mi tambik a teimi cu Leng- Ṭial Za Thluai a si i minung 16 bak vual ko in a fuai dih ko hna nain a tha dih tuk cang caah Leng- Sun lian Par nih a chuah hnawh i voikhat ve ve an i tei hnu ah a voihnihnak cu Leng- Sun Lian Par a tei i buar a co beh timi hna a theih nuam ngaingai lai nan ti cio dek maw.

Chin Miphun chung ah nu le pa kan i tluk ve ko timi a langhtertu (prove) ṭha ngai pakhat zong si kho men awh.. Kap thum in ruat usih law kap hnih nih cun ṭhat lei a sawh kolai dah.