David Thlacam le Kan nih Thlacam

David Thlacam le Kan nih Thlacam

===========================

2 Samuel 7: 18-25, 1 Chanrelnak 29: 10-16

* BAWIPA ka innchung khar hi zeidah kan si i hi tluk hin na kan dawt. Pathian cu thangṭhat si ko seh, Bawipa na lianngan hringhran, nangmah bantuk in Pathian dang an um lo. Na min cu a lianngan hringhran. (Pathian sin ah a hal lo Pathian nih a pek cia mi cungah lawmhnak a chim). 

*1 Chanrelnak 29: 10-16, Bawipa zeizong vialte hi na sin in a ra, na sin in kan hmuh cia mi na sin ah kan rak put ṭhan mi a si, Na min cu zungzal in zungzal tiang thangṭhat si ko seh, rumnak le lianngannak hi na sin in a ra, nang cu zeizong vialte a uktu na si, na kut in ṭhawnnak, thilti khawhnak kha na pek hna, ka miphun le ka fa Solomon nih na nawlbia an zulh i nangmah lawnglawng an lungthin dihlak in an i bochannak hnga cawnpiak ko hna. Pathian cu thangṭhat si ko seh.

Kannih Thlacam Ning

=================

Bawipa, kan i lawm, lam kan hruai ko, motor kan hawi nih an ngeih kei cu ka ngei lo motor ka ka cawk khawhnak hnga thlachuah ka pe, khua chung ah sifak bik kan si rumnak kan pe, facang kan pe, vaṭha le nupi ṭha ka pe, etc kan pe, na fa Zisuh min in kan in hal Amen..(hal kan ti rih)

Kan Zoh Hmanh lai

===============

David nih cun Pathian nih a cung i a tuah mi cungah khan lawmhnak biachim kha a biapi a chiah i hal lo in Pathian thangṭhatnak le conglawmhnak, hlorhnak, faaknak bia kha sau pi a chim, a hal mi pakhat cu "Ka miphun, ka tefa, le keimah nih na nawlbia cu kan lungthin dihlak in kan zulh khawh nak hnga fim kan chimh" timi a si, a miphun le a tefa nih Pathian an i tlaih i an thlah lonak kha a biapi bik ah a chiah, a si nain kan nih nihin zumtu cu lawmh bia chimnak in hal ah caan tamdeuh kan hmang.

Kan Bia Fun Hmanh Usih

====================

A ngai te kan ti a si ahcun thlacam timi hi hal nak in lawmh biachim tu a rak si deuh, (Bible ah Pathian mi hman pawl thlacam ning zoh chih in) kan hal ding cu amah Pathian ah kan i benh i Pathian ah kan i senghtlaih khawhnak tu kha hal awk kan si, Pathian he kan um Pathian ṭihzah buin kan nun ahcun thlachuah cu hal hau lo in kan hmu tinak khi a si 

Cu caah thla kan cam tik ah halcin, pekbawh, ṭhenh to, cawm awr, si lo in Lawmhthiam, thangṭhat thiam, Pathian thluachuah relthiam, nitin kan hmuh mi thluachuah Pathian sin chim ṭhan tu kha a si awk a si..