Nun Le Bia aa Zulhdawi a Hau!

Nun Le Bia aa Zulhdawi a Hau!
*************************

Mah nih tuah ve ṭung lo i mi tuah dingin va cawnpiak
Mah si ve ṭung lo i ma cu si na duh maw tiah mi va ti
Mah nih zulh khawh ṭung lo i na zulh lo ti hman
Mah nih hngalh ve ṭung lo i na hngalh lo..
Mah nih hmuh ve lomi, hmuh a hau eh tiah va au,
Mah nih pemh ve lomi, na pemh lo eh, pemh hau heiti, 

Mah ṭhat ve ṭung lo i ṭhatnak kong va au pi,,a ṭha ko, cawnpiak cu a sual hrimhrim lo NAIN ("nain" ka hman hih) kanmah nih kan tuah khawhmi, kan zulh khawhmi, kan sining a si mi, kan hngalhmi, kan hmuhtonmi, kan pemh i kan fianmi te kha midang nih an zulh i an tuah ve khawhnak hnga bia he nun he cawnpiak ah hmual a ngei deuh ving teh. Kanmah nih kan tuah ve ṭung lomi tuah dingin mi va cawnpiak len hi cu ṭhathnemnak a ngei hrimhrim lo hi teh timi fiang taktak in ka hngalh, a chungril tiang ka hmuh dih. Nun, sining, tuahmi le bia hi a rak i zulh hrimhrim a hau ko. Na tuah ve ṭung lomi mi va cawnpiak hna hlah na kaa lam baa men, zeitik hmanh zongah na bia a nung in mi thinlung ah rian a ṭuan lai lo. Naa nunpi vemi na chim ahcun na bia nung lai i nai thihpi vemi bia na chim cun na bia a thi peng lai. Cucaah na sining a si ve lomi, na tuah ve lomi bia na chim cun bia thi ka chim ti hngal ko..Nun le Bia aa Zulh a Hau,,